Türkmenistanyň iň baýry ylmy-barlag edarasynyň binasynyň durky täzelendi

Oktýabr 26, 2023 | 09:47 |8054

Türkmenistanda 1949-njy ýylda gurlan iň baýry ylmy-barlag institutynyň binasynyň durky täzelendi. "Türkmennebit" döwlet konserniniň "Nebitgazylmytaslama" instituty Balkanabat şäherinde ýerleşýär diýip, Türkmenistanyň resmi metbugaty habar berýär.

Bu institutyň barlaghanalary, ammarlary, inžener-aragatnaşyk ulgamlary, önümçilik-tehniki desgalary doly döwrebaplaşdyryldy. Desganyň açylyşy döredijilik toparlarynyň aýdym-sazly çykyşlaryna beslenip, onda hormatly myhmanlar çykyş etdiler.

Ýurduň günbatar sebitiniň dolandyryş merkezinde şeýle hem 2 sany ýaşaýyş jaýy hem açyldy. Ýeri gelende bellesek, şu günler Aşgabatda «Türkmenistanyň nebiti we gazy — 2023» atly XXVIII halkara maslahaty we sergisi geçirilýär.

ORIENT news