Türkmenistanyň Deňiz söwda flotynyň gämileri tarapyndan 2023-nji ýylyň ýanwar-noýabr aýlarynda ýük daşamagyň umumy mukdary 2022-nji ýylyň degişli döwri bilen deňeşdirilende 21,6% ýokarlandy we 2,06 million tonna ýetdi.
2023-nji ýylda dünýäde nebit we gaz serişdelerini agtarmaga we gazyp almaga gönükdirilen maýa goýumlaryň möçberi 2020-nji ýyldakydan 24 göterim artdy.
19-njy dekabrda Türkmenistanyň Döwlet haryt çig-mal biržasynda geçirilen söwdalaşyklarda içerki we daşarky bazarda nebithimiýa, oba hojalyk, ýeňil senagatyň önümleri we türkmen el halylary satyldy.
Şu gün hormatly Prezidentimiz Serdar Berdimuhamedow bilen Eýran Yslam Respublikasynyň Prezidenti Seýed Ebrahim Raisiniň arasynda telefon arkaly söhbetdeşlik boldy.
Balkan welaýatynda ýerleşýän Garabogaz bogazynyň üstünden geçýän köprüniň gurluşygy işjeň alnyp barylýar. Häzirki wagtda köprüniň gurulmaly 8 demir-beton direginiň 6-sy guruldy.
Türkmenistanyň Döwlet gümrük gullugynyň Merkezi edarasynda Türkmenistanyň Prezidentiniň degişli Karary esasynda döredilen «Eksport-import amallary üçin bir penjire» ulgamynyň işini utgaşdyrmak boýunça Pudagara toparynyň nobatdaky mejlisi geçirildi.
16-17-nji dekabrda Türkmenistanyň daşary işler ministriniň ýolbaşçylygyndaky Türkmenistanyň wekiliýeti Owganystanyň Hyrat welaýatyna iş saparyny amala aşyrdy.
Söwdalaryň barşynda jemi 1 million 122 müň ABŞ dollaryna deň bolan 2 geleşik baglaşyldy.
"Türkmenistan ösýän ýurt, biziň ýurdumyz üçin onuň ähmiýeti hem artýar"-diýip, Italiýanyň Türkmenistandaky ilçisi Luiji Ferrari Farnezinada (bu ýerleşýän ýerine baglylykda Italiýanyň daşary syýasat edarasynyň ady - Farnezina köşgünde) ilçileriň konferensiýasynyň dowamynda Italiýanyň “ANSA” habarlar agentligine aýtdy.
“Sky Gates Airlines” (“Red Wings” kompaniýasyna degişli) ýük awiakompaniýasy uzak uçuşlara niýetlenen “Il-96-400Т” kysymly uçaryna ýyllyk dikeldiş-abatlaýyş işlerini geçirenden soň, ulanmaga goýberdi. Bu barada “Interfax.Ru” neşiri habar berýär.
Döwlet daşary ykdysady iş bankynyň başlygy Rahymberdi Jepbarowyň ýolbaşçylygyndaky Türkmenistanyň wekiliýeti 13-16-njy dekabr aralygynda Tokioda iş saparynda boldy.
Owganystanyň Daşary işler ministrliginiň ýolbaşçysy Amir Han Mottaki özüniň türkmen kärdeşi Raşid Meredow bilen bolan duşuşygynyň ertesi güni Türkmenistan – Owganystan – Pakistan – Hindistan gaz geçiriji taslamasyny durmuşa geçirmek işine ýakyn wagtda girişiljekdigini mälim etdi.
Daşary işler ministri Raşid Meredowyň ýolbaşçylygyndaky Türkmenistanyň wekiliýeti16-17-nji dekabr aralygynda Owganystanyň Hyrat welaýatyna iş saparyny amala aşyrdy.
“Türkmenistan - Ýewropa Bileleşigi” adam hukuklary boýunça Dialog görnüşindäki nobatdaky 15-nji duşuşyk, 18-nji dekabrda Brýusselde geçiriler. Duşuşygyň ertesi güni, 19-njy dekabrda Belgiýanyň paýtagtynda Türkmenistan-ÝB bilelikdäki toparyň söwda we ykdysadyýet ýaly ugurlarda ikitaraplaýyn gatnaşyklaryň möhüm taraplaryny ara alyp maslahatlaşmak üçin 22-nji mejlisi geçiriler. Toparyň 21-nji mejlisi 2022-nji ýylyň 24-nji noýabrynda Aşgabatda geçirilipdi.
Hytaýyň demirgazyk-günbatarynda ýerleşýän Şensi sebitiniň merkezi dolandyryş şäheri Sian şu ýylyň başyndan bäri Hytaý - Ýewropa ugry boýunça gatnadylan 5 müňden gowrak demir ýol ýük otlusyna hyzmat etdi.
