Türkmenistanyň wekiliýeti Er-Riýadda geçirilen “Geljegiň minerallary” forumyna gatnaşdy
Türkmenistanyň senagat we gurluşyk önümçiligi ministriniň orunbasarynyň ýolbaşçylygyndaky türkmen wekiliýeti 9-11-nji ýanwar aralygynda Saud Arabystanynyň Er-Riýad şäherinde geçirilen 3-nji “Geljegiň minerallary” (Future Minerals Forum) forumyna gatnaşdy.
Bu ýyl esasy tema Afrikada, Günbatar we Merkezi Aziýada durnukly we jogapkärli mineral gymmatlyklary zynjyryny döretmek boldy.
Çäräniň çäginde türkmen wekiliýeti ministrleriň tegelek stoluna we dürli tematiki sessiýalara gatnaşdy, bu ýerde dag magdan önümçiliginiň geljegi we önümçiligiň daşky gurşawa ýetirýän täsirini azaltmak barada çekişmeler geçirildi.
Mundan başga-da, forumyň çäginde sergi guralyp, onuň dowamynda türkmen wekiliýeti hyzmatdaşlygyň geljegi uly ugurlarynda ýöriteleşdirilen kompaniýalaryň wekilleri bilen göni aragatnaşyk gurdylar. Bu barada Türkmenistanyň Daşary işler ministrliginiň metbugat beýanatynda habar berilýär.
ORIENT news
