Türkmenistanyň günbatar sebitinde 4,5 milliard kilowat sagat elektrik energiýasy öndürildi
Ýanwar 10, 2024 | 11:27 |6059
Balkan welaýatynyň çäginde ýerleşýän elektrik stansiýalary 2023-nji ýylda 4,5 milliard kilowat sagat elektrik energiýasyny öndürdiler. Bu barada “Türkmenistan” gazeti habar berýär.
Energetika önümçiligi Guwlymaýak şäherçesinde täze durmuş maksatly desgalaryň gurluşygynyň başlanmagy, Türkmenbaşydaky nebiti gaýtadan işleýän zawodlar toplumyndaky täze gaz turbinalarynyň öndürýän elektrik energiýasyny ibermek üçin täze elektrik geçirijisiniň çekilmegi bilen has-da artdy.
“Awaza” elektrik stansiýasy sebitiň iň iri energiýa önümçilik desgasydyr. Bu stansiýanyň hünärmenleri geçen ýylyň iş meýilnamasyny artygy bilen üstünlikli ýerine ýetirdiler.
ORIENT news
