«Türkmenistan» DTB telekeçileri ýeňillikli karzlardan peýdalanmaga çagyrýar
Türkmenistanyň «Türkmenistan» döwlet täjirçilik banky telekeçileri ýeňillikli karzlardan peýdalanmaga çagyrýar.
Telekeçilere karzlar şu aşakdaky tertipde hödürlenilýär:
1. Milli programma önümlerini döretmek we enjamlary öndürmek boýunça işler üçin ýyllyk 2 göterim bilen, 2 ýyl ýeňillik döwri bolan 5 ýyl möhlete görkezilen maksatlar üçin 15 göterimden az bolmadyk hususy serişdelerini goýmak şertlerinde karzlaşdyrylýar.
2. Taýýar milli programma önümleriniň we enjamlarynyň satyn alynmagy hem-de
ulanyşa girizilmegi üçin ýyllyk 2 göterim bilen, 6 aý ýeňillik döwri bolan 3 ýyl möhlete görkezilen maksatlar üçin 15 göterimden az bolmadyk hususy serişdelerini goýmak şertlerinde karzlaşdyrylýar.
Bu karz hyzmatyndan peýdalanmak üçin telekeçiler bankyň merkezi edarasyna ýa-da onuň islendik şahamçasyna ýüz tutup bilerler.
Habarlaşmak üçin telefon belgileri: (+993 12) 44-02-65, 44-03-04.
Şahamçalaryň salgylary we telefon belgileri bankyň resmi www.tnbk.tm internet sahypasynda ýerleşdirilen.
ORIENT news
