Türkmenistanyň makroykdysady görkezijileri durnukly depgini saklaýar
Ýylyň geçen 10 aýynda Türkmenistanyň JIÖ-niň ösüşi 6,2% derejesinde saklanýar. Şu döwürde ýurtda durmuş we önümçilik maksatly iri desgalaryň 60-dan gowragy ulanylmaga berildi.
Habarlar
Aşgabatda geçiriljek hindi sarisi boýunça bäsleşik Hindistanyň gizlin dünýäsine atarar
“Bu sarilerde we perdelerde, utanjaň gözleriň gizläp, sen dessine elýetmez hem ýüz esse gizlin bolduň” – meşhur hindi ýazyjysy we şahyry Rabindranat Tagoryň bu şygyr setirleri “Hindi sarisini geýinmek” atly owadan bäsleşigiň baş mazmuny bolup biler. Bäsleşige gatnaşmaga gyzlar çagyrylýar.
“21-nji asyrda Ahi Evran: innowasiýa we önümçilik” atly taslama yüztutmalar başlady
Türkiýäniň Daşary Ýurtlardaky Türkler we Garyndaş Jemgyýetler Müdirligi (YTB) tarapyndan jemgyýetçilik, medeni we bilim taslamalarynyň birnäçesi durmuşa geçirilýär. Şol taslamalar ýakyn geografiýada ýerleşýän garyndaş halklardaky adam kapitalynyň ösdürülmegine gönükdirilen.
Türkmenistan, Russiýa we Gazagystan yzygiderli demir ýol gatnawlaryny ýola goýarlar
Türkmenistanyň «Ulag-logistika merkezi» (TULM) «RŽD Logistika» we Gazagystanyň «KTZ Express» multimodal kompaniýasy «Demirgazyk-Günorta» geçelgesiniň mümkinçiliklerini durmuşa geçirmek we ulag infrastrukturasyny bilelikde ulanmak boýunça hyzmatdaşlygy ösdürmek hakynda ähtnama gol çekdiler. Bu barada Russiýanyň kompaniýasynyň resmi saýtynda habar berilýär.
Türkmenistan serhet gözegçilik nokatlarynyň käbirinden ulag serişdeleriniň geçmegine rugsat berdi
«Türkmenawtoulaglary» agentliginiň web sahypasynda berilýan habara laýyklykda, beýan edilen talaplara laýyk gelýän daşary ýurt we öz ýurdumyzyň ulaglary şu ýylyň 7-nji noýabryndan başlap, Türkmenistanyň serhet barlag-goýberiş nokatlarynyň käbirinden peýdalanyp, ýurduň çägine girip we onuň çäginden çykyp hem-de üstaşyr geçip bilerler.
Alymlar koronawirusa we dümewe garşy ýeke-täk sanjymy synagdan geçirip başladylar
“Reuters” habar gullugynyň neşirine görä, ABŞ-nyň“Pfizer” we Germaniýanyň “BioNTech SE” derman öndüriji kompaniýalarynyň alymlary COVID-19 we dümewe garşy birleşdirilen sanjymy synagdan geçirip başladylar.
Aşgabatda Türkmenistan bilen ÝB-niň bilim pudagyndaky hyzmatdaşlygy ara alnyp maslahatlaşyldy
Ýewropa Birleşiginiň wekiliýeti Aşgabatda Ýewropa ýurtlarynyň we guramalarynyň Türkmenistan bilen bilelikde bilim pudagynda özara gatnaşyklaryna bagyşlanan duşuşyk geçirildi, bu ýerde soňkywagtlardaky hyzmatdaşlygyň netijeleri, geljekki meýilnamalar we bilelikdäki taslamalar ara alnyp maslahatlaşyldy.
Özbegistanda halkara ulag sergisinde AÝS-MA-Ýewropa ugry görkezildi
Daşkentde “Ulag we logistika – TransLogistica Uzbekistan 2022” atly 18-nji Halkara sergisi geçirilýär. Sergide CASCA+ multimodal ulag geçelgesiniň ugry aýratyn stend hökmünde görkezildi.
Türkmenistanyň SSE-si GDA ýurtlarynyň palatalarynyň ýolbaşçylarynyň Geňeşiniň mejlisini geçirdi
Penşenbe güni Türkmenistanyň Söwda-senagat edarasynyň başlyklygynda wideomaslahat görnüşinde GDA gatnaşyjy döwletleriň palatalarynyň ýolbaşçylarynyň Geňeşiniň şanly XХ, mejlisi geçirildi.
Gurbanguly Berdimuhamedow: Türkmenistan Russiýa bilen ykdysady hyzmatdaşlygy güýçlendirmegiň tarapdary
Türkmen parlamentiniň ýokarky palatasynyň başlygy Gurbanguly Berdimuhamedow Türkmenistanyň Russiýa bilen ykdysady hyzmatdaşlygy berkitmegiň tarapdary bolup çykyş etmek bilen, ony hil taýdan täze derejä çykarmagy maksat edilýändigini belledi.
Gurbanguly Berdimuhamedow Türkmenistan bilen Russiýanyň bilelikde alyp barýan işiniň esasy ugurlaryny kesgitledi
Türkmen parlamentiniň ýokarky palatasynyň başlygy Gurbanguly Berdimuhamedow Russiýa Federasiýasynyň Federal Ýygnagynyň Federasiýa Geňeşiniň Başlygy Walentina Matwiýenko bilen geçirilen duşuşykda türkmen-rus bilelikdäki hyzmatdaşlygyň esasy ugurlaryny kesgitledi – diýip, TDH gullugy habar berýär.
Hytaý dünýä jemgyýetçiligini innowasion taýdan ösen hytaý obalary bilen tanyşdyrýar
China Daily habar gullugynyň habarlaryna görä, dünýä metbugatynyň wekilleri we sosial ulgamlardaky meşhur habarçylar, Zhejiang welaýatynyň innowasion üstünlikleri bilen tanyş edýän “Hytaý bilen duşuşyk” atly halkara metbugat syýahatyna gatnaşýarlar.
TDHÇMB-daky söwdalaşmalar: eksport üçin 1 müň tonna awiakerosin ýerlenildi
Çarşenbe güni, 2-nji noýabrda Türkmenistanyň Döwlet haryt we çig mal biržasynda jemi bahasy 934 ABŞ-nyň dollaryna we 7,4 million türkmen manadyna barabar bolan 3 geleşik baglaşyldy – diýip, ORIENT-iň habarçysy habar berýär.
“Wadaýko” ýapon depleri: ýüreklere joşgun berýän depgin
“Wadaýko” ýapon depleri barada olaryň Ýaponiýa hakynda we elbetde, bu ýurduň halkynyň häsiýeti, taryhy hem-de medeniýeti barada gürrüň berip bilýändigini aýdýarlar. Asyrlaryň jümmüşinden biziň günlerimize çenli gelip ýeten täsin saz guralynyň owazy diňleýjilerde ruhubelentlik oýaryp, iň ajaýyp duýgulary döredip bilýär.
Daşkentde Respublikan türkmen medeniýet merkeziniň 20 ýyllygy bellenilýär
Daşkentde çäreleriň tapgyry bilen Respublikan türkmen medeniýet merkeziniň 20 ýyllygy bellenilýär. Oňa gatnaşmak üçin ÝUNESKO-nyň işleri boýunça Milli toparyň jogapkär sekretary Çynar Rüstemowanyň baştutanlygyndaky Türkmenistanyň wekiliýeti Özbegistana geldi.
