Gurbanguly Berdimuhamedow: Türkmenistan Russiýa bilen ykdysady hyzmatdaşlygy güýçlendirmegiň tarapdary
Türkmen parlamentiniň ýokarky palatasynyň başlygy Gurbanguly Berdimuhamedow Türkmenistanyň Russiýa bilen ykdysady hyzmatdaşlygy berkitmegiň tarapdary bolup çykyş etmek bilen, ony hil taýdan täze derejä çykarmagy maksat edilýändigini belledi.
TASS gullugynyň habar bermegine görä, Türkmenistanyň Milli Geňeşiniň Halk Maslahatynyň baştutany RF-nyň Federal Ýygnagynyň Federasiýa Geňeşiniň umumy mejlisinde maksatnamalaýyn çykyşynda bu meselä degip geçdi.
«Biz hemişe Türkmenistan bilen Russiýa Federasiýasynyň arasynda söwda-ykdysady gatnaşyklaryň pugtalandyrylmagy, olara täze hil-häsiýetiň berilmegi, bu gatnaşyklaryň köpugurly ykdysady hyzmatdaşlyk derejesine çykarylmagy we şunda esasy ornuň maýa goýum, maliýe, tehnologiýa ugurlaryna degişli bolmagy ugrunda çykyş edýäris» - diýip, Gurbanguly Berdimuhamedow aýtdy.
Türkmen parlamentiniň ýokarky palatasynyň başlygy Aşgabat bilen Moskwanyň arasyndaky söwda we ykdysady gatnaşyklary strategiki hyzmatdaşlygyň iň möhüm ugurlaryndan biridigini belledi.
ORIENT news
Surat: turkmenistan.gov.tm
