TDHÇMB-daky söwdalaşmalar: eksport üçin 1 müň tonna awiakerosin ýerlenildi
Çarşenbe güni, 2-nji noýabrda Türkmenistanyň Döwlet haryt we çig mal biržasynda jemi bahasy 934 ABŞ-nyň dollaryna we 7,4 million türkmen manadyna barabar bolan 3 geleşik baglaşyldy – diýip, ORIENT-iň habarçysy habar berýär.
Türkiýeli işewür söwdalaşmalyň barşynda Türkmenbaşynyň nebiti gaýtadan işleýän zawodlar toplumynda çykarylan jemi bahasy 934 müň amerikan dollary bolan ТС-1 awiasiýa kerosiniň 1 müň tonnasyny satyn aldy.
Ýerli telekeçiler gysga süýümli pagtanyň jemi 430 tonnasyny satyn aldylar. Oba hojalyk we daşky gurşawy goramak ministrligi bilen baglaşylan geleşigiň umumy jemi 7,4 million manada barabar boldy.
Söwdalaşmalara çykarylýan harytlar baradaky maglumatlar bilen şu salgy boýunça Türkmenistanyň Döwlet haryt-çig mal biržasynyň saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalaşmalar duşenbe-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, tmex.gov.tm saýtyndaky funksional platformanyň üsti bilen öndürijiler bilen gönümel habarlaşyp, birža harytlarynyň söwdasy boýunça teklipler bilen tanşyp bolar. Şeýle-de birža harytlaryny ýerlemek baradaky bildirişleri çap etmek mümkinçiligi hem elýeterlidir.
ORIENT news
Surat: redaksiýanyň arhiwinden
