Gurbanguly Berdimuhamedow Türkmenistan bilen Russiýanyň bilelikde alyp barýan işiniň esasy ugurlaryny kesgitledi
Türkmen parlamentiniň ýokarky palatasynyň başlygy Gurbanguly Berdimuhamedow Russiýa Federasiýasynyň Federal Ýygnagynyň Federasiýa Geňeşiniň Başlygy Walentina Matwiýenko bilen geçirilen duşuşykda türkmen-rus bilelikdäki hyzmatdaşlygyň esasy ugurlaryny kesgitledi – diýip, TDH gullugy habar berýär.
Türkmenistanyň Milli Geňeşiniň Halk Maslahatynyň başlygy iki ýurduň içerki syýasy durnuklylygy pugtalandyrmaga ýardam bermegi bilelikdäki işiň ileri tutulýan ugry hökmünde görkezýär. Şunda ekstremizmiň we radikalizmiň ýüze çykmagyna, döwlet gurluşynyň bozulmagyna, kemsidilmegine synanyşyklara, jemgyýetçilik aňyna ýalan gymmatlyklaryň, pikirleriň ornaşdyrylmagyna garşy berk kanunçylyk böwetlerini goýmak zerur bolup durýar.
Şunuň bilen baglylykda, ýetginjeklerde hem-de gyzlarda watançylyk, Watany söýmek, öz ýurduňa dahyllydygyňa buýsanmak duýgularyny terbiýelemegiň wajypdygyny nygtap, Gurbanguly Berdimuhamedow ýaşlaryň özara parlamentara gatnaşyklarynyň gurallaryny döretmegi teklip etdi.
ORIENT news
Surat: turkmenistan.gov.tm
