Biz ýakynlaşmagy ugur edinýäris

1-nji sentýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň gatnaşmagynda Aşgabatda Halkara senagatçylar we telekeçiler uniwersitetiniň açylyş dabarasy geçirildi. Täze ýokary okuw mekdebi ýurduň ykdysadyýetiň hususy ulgamy we innowasion pudaklary üçin ýokary taýýarlykly hünärmenleri taýýarlaýan merkezine öwrüler.

Uniwersitetiň açylmagy, hususy telekeçiligi ösdürmek, bilim we ylmy binýady kämilleşdirmek we ýokary bilimi işewürlik tejribesi bilen birleşdirmek boýunça milli strategiýany durmuşa geçirmekde möhüm tapgyra öwrüldi. Prezidentiň Permany esasynda döredilen bu uniwersitet, ykdysadyýet, dolandyryş, sanly tehnologiýalar, oba hojalygy, binagärlik we gurluşyk ugurlary boýunça häzirki zaman bilimlere eýe bolan hünärmenleri taýýarlamagy maksat edinýär.

Uniwersitetiniň öňündäki meýdançada ýurduň ýolbaşçylyklary, Mejlisiniň deputatlary, Hökümet agzalary, daşary ýurtlaryň we halkara guramalaryň diplomatik wekilhanalarynyň, işewürler bileleşiginiň,wekilleri, žurnalistler we talyplar ýygnandylar.

Türkmen halkynyň Milli Lideri ýygnananlaryň öňünde çykyş edip, hususy pudaga goldawyň döwletiň durmuş-ykdysady ösüşiniň açarydygyny we uniwersitetiň döredilmeginiň içerki senagat we telekeçilik üçin ýokary hünärli işgärleri taýýarlamaga mümkinçilik berjekdigini nygtady.

Halk Maslahatynyň Başlygynyň belleýşi ýaly, Türkmenistanyň Senagatçylar we telekeçiler birleşmesiniň döredilen wagtyndan bäri onuň agzalary tarapyndan bahasy 28 milliard amerikan dollaryna golaý 5 müň 300-den gowrak taslamanyň üstünlikli durmuşa geçirildi, 425 müňe golaý iş orunlarynyň döredildi. Häzirki wagtda Senagatçylar we telekeçiler birleşmesiniň 29 müňden gowrak agzasy bar. Olar “akylly” Arkadag şäheriň gurluşygyna we milli infrastrukturany ösdürmäge işjeň gatnaşýarlar şol sanda umumy uzynlygy 600 kilometre ýetýän Aşgabat — Türkmenabat ýokary tizlikli awtomobil ýolunyň gurluşygyny hem alyp barýarlar.

Täze uniwersitet 8 gektar çäkde ýerleşip we binalar toplumy 9 gatly baş binany, 4 sany okuw binasyny, 2 sany her biri 300 orunlyk umumy ýaşaýyş jaýyny, mejlisler zalyny, kitaphanany, naharhanany, ýapyk we açyk sport desgalaryny özünde jemleýär. Halkara senagatçylar we telekeçiler uniwersitetinde okuwlar iki derejeli ulgam, ýagny bakalawr hem-de magistr taýýarlygynyň ugurlary boýunça gurnalyp, okuwlar türkmen we iňlis dillerinde alnyp barylar. Täze bilim ojagynyň okuw maksatnamasy telekeçilik, telekeçiligi dolandyrmak, sanly tehnologiýalar, binagärlik we oba hojalygy ýaly ugurlarda amaly taýýarlyklara gönükdirilendir.

Tejribä gönükdirilen okuwlara aýratyn üns berilýär. Uniwersitetda 42 sany tejribehana şol sanda superkompýuter tehnologiýalary, serwer, kompýuter tory, maglumat goragy, mobil programma, programmirlemek boýunça barlag-tejribehanalary hereket edýär. Talyplar işewürlik we senagat kärhanalary bilen gönüden-göni aragatnaşyk saklap, halypa şägirtlik gatnaşyklaryny emele getirýän we ylym bilen tejribäniň birleşmegini üpjün edýän hakyky taslamalara gatnaşyp bilerler.

Türkmen halkynyň Milli Lideri uniwersitetiň halkara maliýe we birža, ekinleriň seleksiýasy we tohumçylygy, gurluşyk materiallary we konstruksiýalary, serwer we beýleki barlag-tejribehana otaglary bilen tanyşdy. Gurluşyk, seýsmologiýa we innowasion tehnologiýalary boýunça başarnyklary ösdürmäge aýratyn üns berildi.

Uniwersitetiň howlusynda, Senagatçylar we telekeçiler birleşmesiniň agzalarynyň öndürýän önümleriniň şol sanda elektron senagatynda gazanylan üstünlikleriň – “Aýdyň gijeler” hojalyk jemgyýetiniň önümleriniň sergisi ýaýbaňlandyryldy.

“Watan” habarlar gepleşiginde habar berilişi ýaly uniwersitet, dolandyryş, enjamlar we yşyklandyryş ulgamynda ISO 9001, ISO 14001 we ISO 45001 standartlaryna laýyk gelýändigini tassyklaýan halkara şahadatnamalara we baýraklara mynasyp boldy.

Milli lider, uniwersitetiň innowasion işewürlige we ýurduň ykdysady mümkinçiligini pugtalandyrmaga ukuply hünärmenleri taýýarlamaga uly goşant goşjakdygyny aýtdy.

Halkara senagatçylar we telekeçiler uniwersiteti, Türkmenistanyň bilim we ykdysady durmuşynda akademiki bilimleriň, işewürlik tejribesiniň we ählumumy standartlarynyň arasynda köpri döredip, täze tapgyry açýar.

ORIENT

Foto: tdh.gov.tm