Döwletmämmet Azady adyndaky Türkmen milli dünýä dilleri instituty iňlis dili boýunça III Halkara internet olimpiadasyna (IIOE – 2024) gatnaşmak üçin haýyşnamalary kabul edip başlandygyny habar berýär. Olimpiada ýurduň Bilim ministrliginiň goldaw bermeginde guraldy.

Olimpiada Türkmenistanyň we beýleki ýurtlaryň bilim edaralarynyň ähli hünärleriniň islendik ýyl talyplary gatnaşyp bilerler. Gatnaşyjylaryň sany boýunça hiç hili çäklendirmeler ýok.

Onlaýn bäsleşik 10-11-nji aprelde institutyň sanly bilim portaly arkaly geçiriler. Gatnaşyjylar okamak, diňlemek we iňlis diliniň grammatikasy bilen baglanyşykly 10 ýumuşy 90 minudyň dowamynda ýerine ýetirmeli bolarlar.

Olimpiada gatnaşmak üçin 31-nji marta çenli institutyň saýtynyň «Internet olimpiadasy» bölüminde sowalnamany dolduryp, hasaba alynmalydyr.

Netijeler 18-nji aprelde institutyň saýtynda çap ediler.

Olimpiadanyň ýeňijileri degişli derejeli diplomlar bilen sylaglanar.

Guramaçylaryň elektron poçta salgysy: patrioticyouthtniwl@gmail.com.

ORIENT news