Mekdep möwsümine taýýarlyk görmegiň çäklerinde “Berkarar” söwda we dynç alyş merkezindäki “Samsonite” dükany “Samsonite” we “American Tourist ‘ýaly meşhur daşary ýurt brendleriniň ýokary hilli egin-arka ýantorbalaryna (rýukzaklara) 40% arzanladyş yglan edýär.
Daniýaly onlaýn satyjy Auluna Private Lable – daşky geýimleri, şol sanda eko derileri satyjy we öndüriji Hytaýdan önümçilik kuwwatynyň bir bölegini Özbegistana geçirmegi meýilleşdirýär. Täze ýerde zawod açmak bilen, kompaniýa logistika meselelerini çözmegi we harytlary Ýewropa bazaryna eltmek üçin sarp edilýän wagty azaltmagy maksat edinýär. Häzirki wagtda Hytaýdan Ýewropa önümler ortaça 6-7 hepdede barýar.
“Türkmenergo” döwlet korporasiýasy we Owganystanyň “DABS” kompaniýasy Gerat sebitindäki Nur al-Jihad elektrik paýlaýjy bekedi arkaly elektrik energiýasyny ibermek hakynda bilelikdäki Teswirnama gol çekdiler. Gol çekişlik dabarasyna türkmen tarapyndan resmi wekiller hökmünde korporasiýanyň tehniki we halkara taslamalar bölümleriniň wekilleri, owgan tarapyndan bolsa, kompaniýanyň baş direktory gatnaşdy.
Türkmenistan futbol çempionatynyň on üçünji tapgyrynyň çäginde paýtagtyň "Kopetdag" topary adybir stadionynda ýurdumyzyň çempiony "Ahal" -y kabul etdi. Bu oýunda "Türkmennebitönümleri" Baş müdirliginiň topary halaýanlaryň statusyny tassyklady we 3:1 hasabynda ynamly ýeňiş gazandy.
Lionel Messiniň iýun aýynda üstünde futbol oýnan torf (gazon) bölekleri Pekindäki Işçiler stadionynyň dolandyryş kompaniýasy tarapyndan satylar. Bölekleriň ölçegi görkezilmedik, ýöne olar argentinaly meşhur futbolçynyň oýun meýdançasynda işjeň hereketleri bilen tapawutlanan ýerlerinden alyndy. Mysal üçin, Messiniň oýnuň 81- nji sekundynda geçiren goluny uran ýeri – diýip, South China Morning Post gazeti ýazýar.
Pekinde robot tehnikasy boýynça VIII Bütindünýä maslahaty geçirildi, bu ýerde Hytaýdan we beýleki ýurtlardan 140-dan gowrak kompaniýa akylly maşynlar pudagyndaky soňky oýlap tapyşlarynyň 600-e golaýyny görkezdi. Guramaçylar bu çäräniň 25 halkara guramasynyň goldawyny alandygyny aýtdy – diýip, Hytaýyň Sinhua neşiri habar berýär.
Türkmenistanda tehnologiýany çuňlaşdyryp öwredýän ilkinji ýöriteleşdirilen mekdep Lebap welaýatynyň Türkmenabat şäherinde açylar. Öňdebaryjy okuw maksatnamasyny ornaşdyrmak işini 32-nji mekdep alyp barar diýlip, ýurdumyzyň resmi metbugatynda habar berilýär.
Russiýanyň hökümeti hazarýaka ýurtlaryň bäşisi tarapyndan 2012-nji ýylda Moskwada gol çekilen Hazar deňzini ýerüsti çeşmelerden hapalanmadan goramak boýunça teswirnamany tassyklady. Bu barada TASS, Rosprirodnadzor gullugynyň ýolbaşçysy Swetlana Radionowanyň sözlerine salgylanyp, habar berdi.
Sişenbe güni Samarkandda birbada iki halkara forum - Türki döwletleri guramasyna (TDG) agza we synçy ýurtlaryň saglygy goraýyş ministrleriniň III mejlisi we 9-njy Bütindünýä türki lukmançylyk gurultaýy öz işine başlady. Maslahata TDG-a agza ýurtlaryň saglygy goraýyş ministrleri, baýry lukmançylyk ýokary okuw mekdepleriniň rektorlary we professorlary, abraýly lukmançylyk klinikalarynyň, ylmy-barlag institutlarynyň, ýöriteleşdirilen lukmançylyk merkezleriniň, iri derman kärhanalarynyň we korporasiýalarynyň ýolbaşçylary, şeýle-de dünýäniň dürli ýurtlaryndan alymlar gatnaşdylar – diýip, “Dunýo” habarlar agentligi habar berýär.
17-nji awgustda Türkmenistan Birleşen Milletler Guramasynyň Bilim, ylym we medeniýet meseleleri boýunça guramasyna (ÝUNESKO) agza bolmagynyň 30 ýyllygyny belleýär. Şanly sene mynasybetli Prezident Serdar Berdimuhamedow ÝUNESKO-nyň Baş direktory hanym Odre Azulä Türkmenistanyň bu gurama agza bolmagynyň 30 ýyllygy mynasybetli ýürekden gutlaglaryny we iň gowy arzuwlaryny iberdi we bilelikde köp işleriň ýerine ýetirilendigini, medeni we ynsanperwer ugurda, taryhy mirasy gorap saklamak babatynda oňyn tejribe toplanandygyny hatynda belledi.
22-31-nji awgustda Dubaýda (BAE) geçiriljek dünýä çempionatyna agyr atletikanyň pauerlifting görnüşi boýunça türkmen türgenleri gatnaşar. Bu barada ORIENT-e ýurdumyzyň Bedenterbiýe we sport baradaky döwlet komitetinde habar berildi.
Atmosferadaky metanyň düzüminiň şeýle çalt ýokarlanmagy ýakyn onýyllyklarda global howanyň üýtgemeginiň alamaty we tutuş howa ulgamynyň üýtgedilip gurulmagyna sebäp bolup biler diýip, alymlar belleýärler.
ABŞ-nyň Energetika ministrligi howany kömürturşy gazdan arassalamak üçin howany göni tutma (direct air capture, DAC) taslamalaryny giňeltmäge 1,2 milliard dollar bölüp berer - diýip, Reuters agentligi habar berýär.
Taslama ýapon gaznalarynyň hasabyna doly amala aşyrylar. Lukmançylyk şäheri Fergana şäherinde 20 saglyk edarasy, dürli ugurly 11 hassahana, iki dermanhana, şeýle hem sport we bedenterbiýe toplumy we lukmançylyk bilimi üçin okuw we dogry iýmitlenme merkezli guruljak eko-şäheriň çäginde peýda bolar. Uly göwrümli gurluşyk 8,7 million dollarynda bahalandyrylýar diýip, özbek metbugaty habar berýär.
Fransiýa ilkinji gezek millionerleriň sany boýunça dünýäde ilkinji 3-lige girdi we degişlilikde Amerika we Hytaýa ilkinji iki orny berdi. Şeýle-de bolsa, baýlygy bir million dollardan geçýän iň köp baý adam bolan ýurt hökmünde Ýewropada birinji ýeri eýeledi diýip, Şweýsariýanyň UBS bankynyň saýtynda çap edilen «Global maddy hal-ýagdaýy barada» hasabatynda aýdylýar.
