Gyrgyzystan Republikasynyň paýtagty Bişkekde Birleşen Milletler Guramasynyň Neşe we jenaýatçylyk baradaky müdirliginiň hem-de Bütindünýä gümrük guramasynyň guramagynda gümrük gulluklaryň we port gözegçilik toparlaryň agzalary üçin gender deňligi meselesini işjeňleşdirmek boýunça sebitleýin okuw çäresi geçirildi. Bu barada Türkmenistanyň Döwlet gümrük gullugy habar berýär.
Türkmen döwlet bedenterbiýe we sport institutynda köpçülikleýin, ýokary derejeli sporty, sport bilimini we talyp ýaşlaryň arasynda sport hereketini ösdürmek meseleleri ara alnyp maslahatlaşyldy.
Bäsdeşlige ukyply bolmak we döwür bilen aýakdaş gadam urmak isleýärsiňizmi? Onda Sizi ESG ( Daşky gurşaw, sosial we korporatiw dolandyryş) standartlary we olaryň Siziň işiňiziň täze derejä ýetmegine nädip kömek edip biljekdigi gyzyklandyrmagy mümkin.
Kazan şäheriniň Halkara howa menzilinde ýolagçylaryň dynç almagy üçin futurist äheňinde bezelen şahsy kapsula otaglary peýda boldy. Olar ýolagçylara uçuş wagtyna çenli rahat we oňaýly dynç almagyna şert döreder.
“Eksport-import amallary üçin bir penjire” ulgamynyň işini utgaşdyrmak boýunça Pudagara toparynyň nobatdaky mejlisi geçirildi. Oňa Pudagara toparyň düzümine girýän ministrlikleriň, pudaklaýyn dolandyryş edaralaryň we jemgyýetçilik birleşmeleriň ýolbaşçylary we jogapkär işgärleri gatnaşdylar.
Aşgabat şäheriniň demirgazyk – günbatarynda G.Kulyýew bilen “Täze zaman” ýaşaýyş toplumyna barýan ýoluň kesişýän ýerinde täze awtomobil köprüsi gurlar. Bu boýunça Awtomobil ýollarynyň gurluşygyny dolandyrmak baradaky döwlet agentliginiň buýurmagynda Türkmenistanyň Gurluşyk we binagärlik ministrligi halkara bäsleşigini yglan etdi.
30-njy awgustdan Hytaý syýahatçylardan COVID-19 barlag netijesini talap etmegi aradan aýyrýar. Bu barada Hytaýyň Daşary işler ministrliginiň metbugat sekretary Wan Wenbing duşenbe güni “China Daily”-de habar berdi.
“Maryawtoulag” önümçilik birleşiginde ýük göterijiligi ýokary bolan 200 töweregi kuwwatly awtoulag pagta ýygym möwsüminde hasyly daşamak işinde ulanmak üçin taýýar edildi.
Aşgabat şäherindäki Gyşky sport oýunlary toplumynda ýaýdan ok atmak boýunça Türkmenistanyň Kubogy ugrunda ýaryş geçiriler. Ony Ýaýdan ok atmak boýunça milli federasiýasy Bedenterbiýe we sport baradaky döwlet komiteniň ýardamy bilen guraýar.
Gumdagly nebitçiler nebit çykarmak boýunça meýilnamany 118 göterim artygy bilen ýerine ýetirdiler. Ýanwar – iýul aýlarynda “Türkmennebit” döwlet konserniniň iň baýry ýataklarynda iş alyp barýan “Gumdagnebit” nebit-gaz çykaryş müdirliginiň hünärmenleri nebit gazyp alyp, onuň 330.5 müň tonnasyny gaýtadan işleýjilere ugratdylar.
Ýurt Zangezur geçelgesiniň dikeldilmegine gyzyklanma bildirýär. «Ösüş strategiýasy» Özbek merkeziniň müdiri Eldor Tulýakow, Azerbaýjanyň Özbegistan üçin Ýewropa derweze, Özbegistanyň bolsa, Azerbaýjan üçin – Merkezi Aziýa we tutuş Aziýa derweze boljakdygyny hasaplaýar.
13 ýaşly Mähri Agamyradowa russiýaly garşydaşyndan asgyn gelip, GDA-nyň resmi däl çempionatyna deňelýän Moskwada geçirilen abraýly we düzümi boýunça güýçli ýaryşda ikinji ýeri eýeledi.
Astrahan welaýatynyň gubernatory Igor Babuşkin, geçen ýylyň awgust aýyndan bäri Astrahanda Türkmenistanyň konsulynyň wezipesini ýerine ýetiren Nury Golliýew bilen iş duşuşygynyň çäginde diplomaty täze – Gyrgyzystanda Türkmenistanyň ilçisi wezipä bellenilmegi bilen gutlady.
Galla ekişine pagta ýygymy möwsümine taýýarlyk duşenbe güni hormatly Prezidentimiz Serdar Berdimuhamedowyň Ministrler Kabinetiniň Başlygynyň obasenagat toplumyna gözegçilik edýän orunbasary T.Atahallyýewiň hem-de welaýatlaryň häkimleriniň gatnaşmagynda sanly ulgam arkaly geçiren iş maslahatynyň esasy mowzugy boldy.
ABŞ-nyň Kongres wekilleriniň palatasynyň wekiliýeti Aşgabada geldi. Myhmanlar saparyň çäginde duşenbe güni Türkmenistanyň Mejlisinde duşuşyk geçirdiler. Türkmen-amerikan özara gatnaşygyň esasy meseleleri ara alnyp maslahatlaşyldy, uly üns parlamentler arasy dialoga berildi.
