Türkmenistanda Eýranyň täze bellenen ilçisi akkreditasiýa edildi

Noýabr 06, 2023 | 21:25 |4060

Duşenbe güni, 6-njy noýabrda Wise-premýer Raşid Meredow Eýran Yslam Respublikasynyň täze bellenen ilçisi Ali Mojtab Ruzbehani bilen duşuşdy.

Ynanç hatlarynyň nusgalaryny kabul edip, ministr Ruzbehanini bu ýokary wezipä bellenmegi bilen gutlady we Türkmenistanyň Daşary işler ministrliginiň onuň diplomatik işini ýerine ýetirmeginde hemişe goldaw bermäge taýýardygyny ynandyrdy.

Şeýle hem duşuşykda iki ýurduň arasyndaky netijeli hyzmatdaşlygyň we halkara we sebit gurluşlarynyň çäginde özara gatnaşyklaryň geljegine baha bermek boýunça işler ara alnyp maslahatlaşyldy.

ORIENT news