12-nji oktýabrda Astanada GDA ýurtlarynyň daşary işler ministrleriniň Geňeşiniň mejlisi boldy. Duşuşyk Gazagystan Respublikasynyň daşary işler ministriniň başlyklyk etmeginde Azerbaýjanyň, Ermenistanyň, Belarusuň, Gyrgyzystanyň, Russiýanyň, Täjigistanyň, Türkmenistanyň we Özbegistanyň daşary syýasat edaralarynyň ýolbaşçylarynyň gatnaşmagynda geçirildi.
Türkmenistanyň hökümeti BMGÖM bilen bilelikde ýurduň saglygy goraýyş pudagynda jemi 100 million ABŞ-nyň dollaryna barabar dürli taslamalary durmuşa geçirdi.
Türkmenistanyň Kazandaky Baş konsuly Güýç Garaýew Tatarystanyň Döwlet Geňeşiniň başlygy Farid Muhametşin bilen duşuşyp, söwda-ykdysady, medeni- ynsanperwer hyzmatdaşlygyň möhüm meselelerini ara alyp maslahatlaşdy. Bu barada Türkmenistanyň Kazandaky Baş konsullygynyň resmi saýtynda habar berilýär.
Türkmen zenan telekeçileri «Ready4Trade Merkezi Aziýa» taslamasynyň çäklerinde sişenbe güni Aşgabatda başlanan «Daşary ykdysady işjeňlik üçin ukyplary we başarnyklary kemala getirmek» atly üç günlük okuwlara gatnaşýarlar.
Türkmenistanyň Prezidenti Serdar Berdimuhamedow Ukrainanyň döwlet baştutany Wladimir Zelenskiýni we bu ýurduň halkyny iki döwletiň arasyndaky diplomatik gatnaşyklaryň ýola goýulmagynyň 30 ýyllygy bilen gutlady. Gutlagyň teksti «Нейтральный Туркменистан» gazetinde çap edilýär.
JIÖ adalgasy ýurtlaryň ýa-da sebitleriň ykdysadyýeti gürrüň gidende köplenç köpçülikleýin habar beriş serişdelerinde duş gelýär. Ýöne şahsy maliýe meselelerini has kiçi möçberlerde çözüp ýören ýönekeý adamlar üçin bu nämäni aňladýar? Jemi içerki önüm hakda bir zatlary bilmek asla gerekmi? Şu soraglara okap oturan makalada jogap bermäge synanyşarys.
“China Daily” habar gullugynyň habar bermegine görä, Hytaý halkara we sebitleýin çäreleriň birnäçesinde global parahatçylygy, ösüşi, açyklygy we hyzmatdaşlygy mundan beýläk-de ösdürmek üçin meýilnamalaryň we çäreleriň giň toparyny yglan etdi.
Anadolu habar gullugynyň habar bermegine görä, Türkiýäniň Energetika we tebigy baýlyklar ministri Fatih Dönmez, Türkiýe türkmen tebigy gazyny Ýewropa bazarlaryna geçirmäge we munuň üçin mümkin bolan ähli zady ýerine ýetirmäge taýýardygyny Berlinde geçirilen IV Türk-German Energetika Forumynda aýtdy.
«Türkmengaz» döwlet konserniniň Tebigy gaz ylmy-barlag institutynyň alymlary Köpetdag daglarynda geologiki işler alnyp barylýan mahaly Ýura döwrüniň taryhy merjenleri bilen tegmil-tegmil bolan bir daş tapdylar, bu barada Türkmenistanyň nebit-gaz toplumynyň web sahypasynda habar berilýär.
IRNA agentliginiň habar bermegine görä, Eýran Türkmenistanyň Ahal welaýaty bilen serhetleşýän Horasan-Rezawi welaýatynyň üsti bilen Merkezi Aziýa ýurtlary bilen söwda dolanyşygyny 40% artdyrdy. Bu goňşy ýurduň harytlary üstaşyr geçirmeklige ýeňillik girizmegi bilen gazanylandyr.
Gollandiýadaky Eýndhowen şäheriniň Tehnologiýalar uniwersitetiniň talyplar topary Zem elektrik ulagyny işläp taýýarlady, ol hereket eden mahaly kömürturşy gazyny az çykaryp, tersine ony özüne köp möçberde sorup alýar (CO₂) alýar we ony gaýtadan işlemegi başarýar.
Wenanyň Diplomatik akademiýasynda Awstriýanyň Türkmenistan bilen diplomatik gatnaşyklarynyň 30 ýyllygy bellenildi – sişenbe güni bu ýerde 1992-nji ýylyň 16-njy oktýabrynda ýurtlaryň bilelikdäki beýannama gol çekmegine iri şanly senäniň dolmagyna bagyşlanan tegelek stol guraldy.
Owganystanyň hökümetiniň demir ýol departamenti Türkmenistanyň demir ýol ulgamyny dolandyryş edarasynyň ýolbaşçylary bilen owgan talyplarynyň 28-niň bu edaranyň dürli önümçilik bölümlerinde okuw geçmekleri barada ylalaşygyň gazanylandygyny habar berdi.
26-njy oktýabrda Aşgabatda "Türkmenistanyň nebiti we gazy" XXVII Halkara maslahaty we şol at bilen üç günlük sergi açylar.
Duşenbe güni Gazagystanyň Daşary işler ministrligi Astanada şu hepde garaşylýan ýokary we iň ýokary derejedäki halkara wakalar barada brifing geçirdi.
