Türkmenistanyň Baş konsuly we Tatarystanyň parlamentiniň baştutany parlamentara gepleşikleri ara alyp maslahatlaşdylar
Türkmenistanyň Kazandaky Baş konsuly Güýç Garaýew Tatarystanyň Döwlet Geňeşiniň başlygy Farid Muhametşin bilen duşuşyp, söwda-ykdysady, medeni- ynsanperwer hyzmatdaşlygyň möhüm meselelerini ara alyp maslahatlaşdy. Bu barada Türkmenistanyň Kazandaky Baş konsullygynyň resmi saýtynda habar berilýär.
Tatarystanyň parlamentiniň baştutany Türkmenistanyň bu respublikanyň esasy hyzmatdaşlaryndan biridigini belläp, Tatarystanyň halklarynyň Assambleýasynyň çäginde türkmen halkynyň milli-medeni bileleşiginiň hem ýokary işjeňligini belledi.
Duşuşykda taraplar Russiýanyň we Türkmenistanyň arasyndaky gepleşikleriň çäginde parlamentara gatnaşyklary giňeltmäge özara gyzyklanma bildirýändiklerini mälim etdiler, bu teklip Türkmenistanyň Milli Geňeşiniň Halk Maslahatynyň başlygy Gurbanguly Berdimuhamedowyň Kazana amala aşyran sapary mahaly edilipdi. Şunuň bilen baglylykda, Baş konsul Tatarystanyň kanun çykaryjy guramasynyň wekillerini Aşgabat şäherine sapar bilen gelmäge çagyrdy.
ORIENT news
Surat: instagran.com / @tkm.consulate.kazan
