Suwuklandyrylan gazy kabul ediji ýüzýän ilkinji terminal Finlýandiýa geldi. Indi ýurduň günortasyndaky Inkoo porty gaýtadan gaz bilen üpjün edýän desga hökmünde ulanylar. Bu toplumy Finlýandiýa Estoniýa bilen bilelikde ABŞ-nyň kompaniýasyndan geljek 10 ýyl üçin kärendesine aldy – diýip, Euronews habar berýär.
Türkmenistan bilen Özbegistanyň arasyndaky haryt dolanyşygynyň oňyn saldosynyň $490 mln amerikan dollaryna deň bolandygyna Özbegistanyň Döwlet statistikasynyň maglumatlary şaýatlyk edýär.
Türkmenistanyň parlamentiniň ýokarky palatasynyň Başlygy Gurbanguly Berdimuhamedowyň agtygy Kerimguly Berdimuhamedow öz atasynyň “Dowam bolsun!” atly täze goşgysyna aýdym ýazdy.
Günorta Koreýanyň KPLO (Korea Pathfinder Lunar Orbiter), başgaça Danuri diýlip hem atlandyrylýan kosmiki enjamy ilkinji gezek älem giňişligine çykaryldy we Aýyň orbitasynda üstünlikli birikdirildi – diýip, Koreýa Respublikasynyň ylym we maglumat-kommunikasiýa tehnologiýalar ministrligine salgylanyp, TASS agentligi habar berýär.
Aşgabat we Astana serhetýaka çäklerinde dörän ýer titremeleriniň täsirleriniň makroseýsmiki barlaglaryny guramakda we geçirmekde, okuw jaýlarynda bu ugurdan hünärmenleri taýýarlamakda hyzmatdaşlyk ederler, şeýle hem tejribelik geçjekleri, mugallymlary, alymlary we hünärmenleri alşarlar – diýip, zakon.kz habar berýär.
Türkmenistanyň Futbol federasiýasy Aşgabatda çagalar futbol festiwalyny geçirdi – diýip, guramanyň saýtynda habar berilýär. Futbol baýramçylygy Grassroots bütindünýä maksatnamasynyň çäklerinde çagalaryň we ýaşlaryň arasynda futboly meşhur etmek we öňe sürmek maksady bilen geçirildi.
Sişenbe güni, 27-nji dekabrda Türkmenistanyň döwlet haryt-çig mal biržasyndaky söwdalaşyklarda umumy bahasy $1 mln. amerikan dollaryna we 8,9 mln. türkmen manadyna deň bolan 8 geleşik baglaşyldy – diýip, ORIENT-iň habarçysy habar berýär.
Egin-eşikleri we dürli dokma önümlerini öz içine alýan ýörite täze ýyl toplumlaryny Türkmenistanyň Dokma ministrliginiň ýurtdaky ähli dükanlaryna satuwa çykaryldy.
Russiýa we Türkiýe, eýýäm, Türkiýäniň çäklerinde gaz paýlaýjy merkezi döretmek taslamasynyň durmuşa geçirilmeginiň üstünde işläp başladylar diýip, “Gazpromyň” ýolbaşçysy Alekseý Miller 28-nji dekabrda täze ýylyň öňýanyndaky iş maslahatynda habar berdi. Ol Russiýanyň “Türk akymy” we “Mawy akym” deňiz gaz geçirijileriniň häzirki wagtda ynamly işleýändigini belledi.
Fransiýanyň hökümeti 27-nji dekabrda ýurduň käbir etraplarynyň ýaşaýjylaryna öýlerini ýylatmak üçin odunlyk talon berip başlady. Ouest France neşiriniň habar berşi ýaly, Ýewropada energetika çökgünligi hem-de gyşyň başynda elektrik energiýanyň bahasynyň ýokarlanmagy sebäpli, hökümet şeýle çäre görmeli boldy.
Çarşenbe güni paýtagtymyzyň “Gurtly” ýaşaýyş toplumynda birnäçe täze desgalaryň – ýaşaýyş jaýlaryň, hojalyk we medeni-durmuş maksatly binalar toplumynyň açylyş dabarasy boldy diýip, Orient-iň çeşmesi habar berdi.
Türkmenistanda 7-nji dekabrdan 27-nji dekabr aralygynda ilatyň sany, demografik düzümi we durmuş- ýaşaýyş şertleri barada maglumat almak üçin geçirilen ilatyň we ýaşaýyş jaý gorunyň uçdantutma ýazuwy tamamlandy.
2023-nji ýylyň ýanwaryndan başlap Hytaý daşary ýurt raýatlary üçin wiza almak, wagtlaýyn ýaşamak üçin ýüz tutma we ýaşamak üçin razyçylyk almak hyzmatyny gaýtadan dikeldýär - diýip, Sinhua agentligi habar berýär.
Türkmen okuwçylary ýurduň ýöriteleşdirilen mekdepleriniň okuwçylarynyň arasynda biologiýa we himiýa boýunça geçirilen II Açyk internet-ders bäsleşiginiň ýeňjileri boldular. Bäsleşigiň netijeleri 28-nji dekabrda jemlenildi. Biologiýa boýunça baýrak eýeleri – 10-11-nji synplaryň iň oňat okuwçylaryň 50-si, himiýa boýunça dürli mekdepleriň zehinli oglan-gyzlarynyň 49-sy medal eýeleri boldular.
Aşgabatda uly tennis boýunça Türkmenistanyň kubogyny almak ugrunda ýaryşlar tamamlandy. Bäsleşige 12 ýaş we ondan uly bolan, milli reýtingde öňdäki ýerlerde barýan oglanlar we gyzlar gatnaşdylar – diýip, ýurduň tennis Federasiýasynda ORIENT-e gürrüň berdiler.
