TSTB-niň agzalary 2008-nji ýyldan bäri senagat önümçiligini 82 esse artdyrdylar
Türkmenistanyň Senagatçylar we telekeçiler birleşmesiniň agzalary senagat önümçiliginiň öndürilişini 2008-nji ýyl bilen deňeşdireniňde 82,2 esse artdyrdylar. TSTB-niň başlygy Döwran Hudaýberdiýew Birleşmäniň döredilmeginiň 15 ýyllyk ýubileýi mynasybetli «Rysgal» gazetine beren interwýusynda şunuň ýaly maglumatlary getirýär.
Mundan başga-da, degişli döwürde TSTB-niň agzalary haryt dolanyşygyny 39,3 esse, oba hojalyk önümleriniň öndürilişini 130,4 esse artdyrdylar. Hyzmatlar pudagy ýokary görkezijileri görkezdi, onda ösüş 4 müň göterimden gowrak boldy.
Ilat üçin hyzmatlaryň ösüşiniň artyşynyň 2012-nji we 2019-njy ýyllarda hasaba alnandygyny belläp geçmelidiris.
Bu ýyl TSTB-i öz ýubileýini – döredilmeginiň 15 ýyllygyny belläp geçýär. Şu döwrüň içinde Birleşme özüniň hünär mekdeplerinde 80,5 müňden gowrak telekeçini okatdy we 22,5 müňden gowrak taslamany ýerine ýetirdi. Häzirki wagtda 28,1 müňden gowrak telekeçi TSTB-niň agzasy bolup durýar.
ORIENT habarlar
