Türkmenistan, ilkinji nobatda, türkmen gazyny Türkiýä ibermek baradaky meselä şu gün seretmäge taýýardyr, – diýip Türkmenistanyň Halk Maslahatynyň Başlygy, Türki Döwletleriň Guramasynyň sammitinde synçy döwletiň wekili we TDG-nyň Ýaşulular geňeşiniň agzasy hökmünde eden çykyşynda aýtdy.
Şu gün sanly ulgam arkaly Mejlisiň altynjy çagyrylyşynyň ýigrimi ikinji maslahaty geçirildi. Onda hormatly Prezidentimiz Serdar Berdimuhamedowyň döwlet syýasatynyň ileri tutulýan ugurlaryna hem-de ýurdumyzyň kanunçylyk-hukuk binýadyny kämilleşdirmek boýunça toplumlaýyn maksatnama laýyklykda işlenip taýýarlanylan kanunlaryň taslamalarynyň birnäçesine garaldy we kabul edildi.
Serdar Berdimuhamedow “Buig” kompaniýalar toparynyň ýolbaşçysy Marten Buigi kabul etdi.
Ýaponiýanyň Aşgabatdaky ilçihanasy 2023-nji ýylda Türkmenistanda ilkinji dil - Nihongo Noreku Siken synagynyň, ýagny daşary ýurt raýatlarynyň (Japanese-Language Proficiency Test, JLPT) ýapon dilini bilmek derejesini kesgitlemäge mümkinçilik berýän halkara synag geçiriljekdigini yglan etdi. Ol 2-nji iýulda Türkmeniň paýtagtynda geçiriler we 27-nji martdan 31-nji mart aralygynda bäsleşige gatnaşmak üçin ýüz tutup bilersiňiz. Bu barada bildiriş Ýaponiýanyň diplomatik missiýasynyň Instagram sahypasynda ýerleşdirildi.
Türkmenistanyň Halk Maslahatynyň Başlygy Gurbanguly Berdimuhamedow Türkiýäniň Prezidenti Rejep Taýyp Ärdogan bilen duşuşdy. Döwlet baştutanlary Türki döwletler guramasynyň Ankarada geçirilen nobatdan daşary sammiti tamamlanandan soňra, aýratyn söhbetdeşlik geçirdiler. Bu barada Türkiýäniň Prezidentiniň internet saýtynda habar berilýär.
Türkmenistanyň Halk Maslahatynyň Başlygy Gurbanguly Berdimuhamedow we Özbegistanyň Prezidenti Şawkat Mirziýoýew penşenbe güni Ankarada Türki döwletler guramasynyň nobatdan daşary sammitiniň çäklerinde ikitaraplaýyn duşuşyk geçirdiler.
“Gazagystan Türkiýä goldaw bermegini dowam etdirer we weýrançylykly ýer titremesinden ejir çeken zolakda durmuş maksatly desga gurmaga taýýar” diýip, respublikanyň Prezidenti Kasym-Jomart Tokaýew Türki döwletler guramasynyň (TDG) «Tebigy betbagtçylyklar: adatdan daşary ýagdaýlary dolandyrmak we ynsanperwerlik ýardamy» mowzugy bilen geçirilýän nobatdan daşary sammitinde mälim etdi.
Özbegistanyň Prezidenti Şawkat Mirziýoýew Türki döwletler guramasynyň (TDG) nobatdan daşary sammitinde TDG-niň çäklerinde Daşkentde tebigy betbagtçylyklara gözegçilik we seljerme merkezini döretmegi teklip etdi. Bu barada Özbegistanyň Prezidentiniň metbugat gullugy habar berýär.
2023-nji ýylyň 16-njy martynda wideoaragatnaşyk ulgamy arkaly Türkmenistanyň we Hytaý Halk Respublikasynyň gümrük gulluklarynyň wekilleri Ygtyýarly Ykdysady Operatorlary (YYO) özara ykrar etmek meselesi boýunça gepleşikleri geçirdiler.
Ýewropada howpsuzlyk we hyzmatdaşlyk guramasynyň Demokratik institutlar we adam hukuklary baradaky býurosynyň missiýasynyň agzalary 26-njy martda Türkmenistanda boljak parlament saýlawlarynyň ähli tapgyrlaryna päsgelçiliksiz monitoringi amala aşyryp bilerler.
Dünýäde epidemiologik yagdaýlarda gümrük gulluklaryň orny atly tema boýunça Bütindünýä gümrük guramasy tarapyndan guralan okuw çäresine gatnaşmak üçin Döwlet gümrük gullugynyň wekili 2023-nji ýylyň 8-10-njy marty aralygynda Demirgazyk Makedoniýanyň Skopýe şäherinde gulluk saparynda boldy.
Wodorod energiýasy we bu ugurda durmuşa geçirilýän taslamalar Ylmy-tehniki geňeşiň prezidiumynyň Moskwadaky Ýewraziýa ykdysady komissiýasynyň ştab-kwartirasynda geçirilen sekizinji mejlisiniň mowzuklarynyň biri boldy.
Türkmenistan Merkezi Aziýada serhetleriň dolandyrylyşyna ýardam etmek Maksatnamasynyň (BOMKA 10) resminamalaryň howpsuzlygy meselesi boýunça sebitleýin seminaryna wekilçilik etdi. Bu barada Türkmenistanyň Döwlet gümrük gullugynyň saýty habar berýär.
25-nji aprelden 30-njy aprele çenli Stambulda Türkiýäniň Medeniýet we syýahatçylyk ministrliginiň howandarlygynda hor sazynyň Bütindünýä simpoziumy (World symposium on choral music) geçiriler. Bu barada Türkiýäniň Türkmenistandaky ilçihanasynyň metbugat üçin ýaýradan maglumatynda habar berilýär.
Birleşen Milletler Guramasynyň Türkmenistandaky bilermenleri Daşoguzyň S. Türkmenbaşy etrabynyň bagbanlary üçin okuw geçirdiler – diýip, ýurtdaky BMGÖM-nyň wekilhanasy öz Instagram sahypasynda habar berýär.
