Aşgabatda ýapon dilinden synag geçiriler
Ýaponiýanyň Aşgabatdaky ilçihanasy 2023-nji ýylda Türkmenistanda ilkinji dil - Nihongo Noreku Siken synagynyň, ýagny daşary ýurt raýatlarynyň (Japanese-Language Proficiency Test, JLPT) ýapon dilini bilmek derejesini kesgitlemäge mümkinçilik berýän halkara synag geçiriljekdigini yglan etdi. Ol 2-nji iýulda Türkmeniň paýtagtynda geçiriler we 27-nji martdan 31-nji mart aralygynda bäsleşige gatnaşmak üçin ýüz tutup bilersiňiz. Bu barada bildiriş Ýaponiýanyň diplomatik missiýasynyň Instagram sahypasynda ýerleşdirildi.
JLPT daşary ýurt raýatlary üçin esasy we iň meşhur ýapon dilini bilmek synagy bolup, 1984-nji ýyldan bäri Ýaponiýada we daşary ýurtlarda geçirilýär. Bäsleşige gatnaşmak üçin ýaş çäklendirmeleri ýok. Nihongo Noreku Sikeniň bäş çylşyrymlylyk derejesi bar: N1, N2, N3, N4 we N5. Iň aňsat dereje – N5, iň çylşyrymly bolsa – N1.
Ýaponiýada okamak we işlemek üçin N2-N1 derejesi talap edilýär. Sebäbi öwrenmek we işlemek üçin talaplar ýaponlar bilen deň derejede hödürlener. Synagyň özi tölegli bolup, test görnüşinde we ýylda iki gezek - iýulyň birinji ýekşenbesinde we dekabr aýynyň birinji ýekşenbesinde geçirilýär. Synagdan üstünlikli geçenlere kompaniýalarynyň ýapon ýokary okuw jaýlarynyň köpüsi tarapyndan kabul edilýän halkara standartynyň hemişelik şahadatnamasy berilýär.
Synaga gatnaşyjylardan «Paýtagt» söwda merkezinde (9-njy gat) ýerleşýän Ýaponiýanyň ilçihanasyna baryp, synag gollanmasyny we anketany almagy haýyş edilýär. Has giňişleýin maglumaty salgylanmalardan iňlis we ýapon dillerinde alyp bilersiňiz.
Synagyň wagty we ýeri ilçihananyň saýtynda goşmaça çap ediler. Guramaçylar, gatnaşyjylardan dürli derejeler üçin synagyň tapawutlandyrylan wagtyna üns bermegini haýyş edýärler: N1, N2, N3 sagat 9:00-dan öň, N4 we N5 derejelerinden synaga girýänler bolsa 14:00-dan öň bellenen ýerde ýygnanmalydyr.
Ýapon dili we Günüň dogýan ýurdunyň medeniýeti soňky ýyllarda Türkmenistanda giňden ýaýrady. Çylşyrymlydygyna garamazdan, dil birnäçe türkmen mekdebinde, ýurdumyzyň iki ýokary okuw mekdeplerinde we dil merkezlerinde öwrenilýär. Nihongo Noreku Siken synagy ilkinji gezek 2020-nji ýylda türkmen raýatlarynyň arasynda geçirildi. Häzirkisi bolsa hasaba görä altynjy bolar. Ýylda gatnaşmak üçin takmynan 80-95 adam ýüz tutýar.
Synag Ýaponiýa gaznasy tarapyndan Halkara bilimi ösdürmek assosiasiýasy bilen bilelikde gurnalýar.
ORIENT news
