Türkmenistanyň Prezidenti “Buig” kompaniýalar toparynyň ýolbaşçysyny kabul etdi
Serdar Berdimuhamedow “Buig” kompaniýalar toparynyň ýolbaşçysy Marten Buigi kabul etdi.
Serdar Berdimuhamedow we Marten Buig hyzmatdaşlygyň geljekki mümkinçilikleri barada pikir alşyldy. “Buig” kompaniýasynyň ýurdumyzyň baş şäherini mundan beýläk-de döwrebaplaşdyrmak boýunça göz öňünde tutulan meýilnamalary durmuşa geçirmäge gatnaşmak mümkinçiliklerine garaldy. Şunuň bilen baglylykda, bu kompaniýanyň geljegi uly türkmen bazarynda mundan beýläk-de, öz ornuny pugtalandyrmaga gyzyklanma bildirýändigi tassyklanyldy hem-de holdingiň ýurdumyzda 30 ýyldan gowrak iş alyp barýandygy aýratyn bellenildi.
Serdar Berdimuhamedow fransuz kompaniýasynyň ýurdumyzda durmuşa geçirýän işlerine ýokary baha berdi. Şunuň bilen baglylykda, döwlet Baştutanymyz fransuz kompaniýasy tarapyndan bina edilýän işewürlik merkeziniň Aşgabadyň ýene bir ajaýyp künjegi döretjekdigini kanagatlanma bilen belledi.
