13-15-nji oktýabrda geçiriljek ýetginjekler we ýaşlar dünýä çempionatynyň geçiriljek ýeri hökmünde Gyrgyzystanyň paýtagty Bişkek şäheri saýlandy. Degişli karar Halkara sambo federasiýasynyň ýerine ýetiriji komitetiniň agzalary tarapyndan kabul edildi - diýlip, guramanyň resmi saýtynda habar berilýär.
FIFA 2022-nji ýylyň (2021/22 möwsümi we 2022-nji ýylyň dünýä çempionaty boýunça) iň gowy oýunçysynyň baýragyna mynasyp üç dalaşgäri yglan etdi. Olar – Lionel Messi (“PSŽ”, Argentina), Kilian Mbappe (“PSŽ”, Fransiýa) we Karim Benzema (“Real”, Fransiýa).
Garaşsyz Döwletleriň Arkalaşyklarynda sportuň käbir görnüşleri boýunça çempionatlary geçirmek meýilleşdirilýär. Penşenbe güni, 9-njy fewralda GDA-nyň Minskidäki baş edarasynda bilermenler toparynyň mejlisinde Düzgünnamanyň degişli taslamasyna garaldy.
Türkmen türgenleri 23-nji fewraldan 5-nji mart aralygynda Kemerowo oblastynda (Russiýa) geçiriljek “Aziýanyň çagalary” atly II gyşky Halkara sport oýunlarynda figuralaýyn typmak, şort-trek we gar üstünde woleýbol boýunça çykyş ederler.
9-18-nji fewral aralygynda Türkmenistanyň ok atyjylyk boýunça ýygyndy toparynyň wekilleri Kuweýtde geçirilýän okuw türgenleşiklerine we okuw seminaryna gatnaşarlar. Çäräni Aziýa atyjylyk konfederasiýasy guraýar.
Halkara olimpiýa komiteti 2024-nji ýylyň 19-njy ýanwaryndan 1-nji fewraly aralygynda Koreýa Respublikasynyň Kanwondo şäherinde geçiriljek IV gyşky ýetginjekler Olimpiýa oýunlarynyň medalynyň dizaýnyny işläp düzmek boýunça bäsleşige badalga berdi.
Hokkeý Türkmenistanda barha meşhurlyga eýe bolýar, şol sanda döwrebap buzly arenalaryň peýda bolmagy bilen, ol has-da meşhurlyga eýe bolýar. Golaýda Aşgabatda hokkeýi söýüjileriň kluby peýda boldy, ol täze agzalar üçin açykdyr we sportuň bu görnüşini meşhur edýär.
2024-nji ýylda 5-nji Bütindünýä çarwa oýunlary Gazagystanda geçiriler, şonuň bilen baglylykda, ýurduň prezidenti Kasym-Jomart Tokaýew hökümete halkara ýaryşyny geçirmäge taýýarlyk görmäge başlamagy tabşyrdy. Penşenbe güni Gazagystanyň lideri Gazagystanyň Sportuň Milli görnüşleri assosiasiýasynyň başlygy Islambek Salžanow bilen duşuşdy we ýaryşlary guramaga ýokary derejede taýynlyk görmegi we kiçi we orta telekeçileriň mümkinçiliklerinden, şol sanda halk senetçiliginde, hyzmatlar we syýahatçylyk ulgamlarynda netijeli peýdalanmagy tabşyrdy – diýip, döwlet baştutanynyň metbugat gullugy habar berýär.
Saud Arabystany 2027-nji ýylda futbol boýunça Aziýa kubogyny kabul eder. Bu barada Manamada (Bahreýn) Aziýa futbol konfederasiýasynyň Kongresiniň ahyrynda mälim boldy.
Russiýanyň Küşt federasiýasy (RKF) Aziýanyň Küşt federasiýasynyň düzüminde çykyş edip, özüniň yklyma degişliligini üýtgetmek isleýär.
Aşgabatda zenanlaryň arasynda küşt boýunça Türkmenistanyň çempionatynyň ýokary ligasynyň oýunlaryna badalga berildi. Aýlaw ulgamy boýunça geçýän ýaryş häzirki günde ýurduň iň güýçli küştçi zenanlarynyň 14-sini bir ýere jemledi. Olaryň her biri ýaryşa gatnaşyjylaryň hemme beýlekileri bilen küşt tagtasynyň başynda duşuşarlar. Aýal-gyzlar birinji liga, 20 ýaşa çenli gyzlaryň arasynda geçirilen çempionat we munuň öňýanyndaky ýokary liga bilen birlikde, dürli kwalifikasion ýaryşlardan saýlanylyp alyndylar.
Sankt-Peterburgyň “Zenit” futbol klubynyň ozalky hüjümçisi, asly türkmen eýran futbolçysy Serdar Azmun häzirki wagtda nemes “Baýerini” fransuz “Marseline” çalşyp biler – diýip, L'Equipe habar berýär.
Futbol boýunça Aziýa kubogy-2024-iň saýlama ýaryşlarynyň birinji tapgyrynda Türkmenistanyň zenanlar ýygyndy toparynyň (20 ýaşa çenli) oýunlarynyň tertibi belli boldy.
Türkmenistanyň dzýudoçylary Parižde fewralyň başynda bolup geçjek Uly Tuwalga halkara ýaryşynda öz ussatlygyny görkezerler. Bu barada ORIENT-e Dzuýudo milli federasiýasynda habar berdiler.
Hytaýyň Olimpiýa komitetiniň internet sahypasynda "Hytaýyň Olimpiýa komiteti “dünýäniň dürli künjeklerinden bolan türgenleriň ýaryşlara gatnaşmaga deň nukuklary bolmaly” diýip hasaplaýar we russiýaly hem-de belarusssiýaly türgenleriň Aziýa oýunlaryna gatnaşmak mümkinçiligini ara alyp maslahatlaşmagy dowam etdirmäge taýýar" – diýilýär. Bu barada Sinhua agentligi habar berýär.
