Türkiýe Respublikasynyň wise-prezidenti Jewdet Ýylmazyň dekabr aýynda Türkmenistana sapary bolar. Bu barada türk syýasy işgäri Prezident Serdar Berdimuhamedowyň gatnaşmagynda Ankarada geçirilen Türkmenistan-Türkiýe işewürlik forumynda mälim etdi.
Aşgabatda BMGÖM-iň we Türkmenistanyň körler we kerler jemgyýetiniň “Türkmenistanda maýyplar üçin amatly iş: bilim almak we mynasyp iş tapmak mümkinçiligi üçin, jemgyýetçilik kärhanalaryny özgertmek" atly bilelikdäki taslamasynyň çäginde, Günorta-Günorta global ösüş we hymatdaşlyk Gaznasynyň maliýe goldawy bilen, BDST-iň №1-nji karton we çaphana ussahanasynyň açylyş dabarasy geçirildi.
Kosmonawtlar Oleg Kononenko we Nikolaý Çub, "Nauka" modulyndaky ätiýaçlyk radiatoryň sowadyjy ýerini barlamak we beýleki işleri ýerine ýetirmek üçin Halkara älem stansiýasyndan (ISS) açyk äleme çykdylar.
Eýran tarapyndan Türkmenistana täze ilçi hökmünde teklip edilen diplomat Ali Mojtaba Ruzbahani, Aşgabat şäherine gitmezden ozal Eýranyň Daşary işler ministri Hoseýn Amirabdollahian bilen duşuşdy.
Şu hepde, 23-25-nji oktýabr aralygynda Aşgabatda mekdep mugallymlary üçin bilim robotlary boýunça seminar geçirildi. Seminara 27 hünärmen gatnaşdy, olar gyzykly we terbiýeçilik ähmiýetli bu okuwlarda mekdep sapaklarynda bilim robotlaryny ulanmak üçin zerur bilimleri, başarnyklary we çeşmeleri aldylar.
Türkmenistanyň Koreýa Respublikasyndaky ilçisi Begenç Durdyýew 2023-nji ýylyň 23-25-nji oktýabry aralygynda Koreýa Respublikasynyň Suwon şäherinde geçirilen sekizinji Aziýa-Ýuwaş umman şäherler forumyna (APUF-8) gatnaşdy. Bu çäre, Koreýa Respublikasynyň Ýer, infrastruktura we ulag ministrliginiň, BMG-niň Habitat-yň we CityNet-assosasiýasynyň goldawy bilen Birleşen Milletler Guramasynyň Aziýa we Ýuwaş ummany sebiti üçin ykdysady we durmuş komissiýasy we Suwon şäher häkimligi tarapyndan guraldy.
Ýaponiýanyň ilçihanasynyň metbugat gullugy Ýaponiýanyň Türkmenistandaky ilçisi Ýamamoto Hiroýuki bu ýurtdaky işini tamamlady diýip, habar berýär. Onuň hormatyna ilçihana hoşlaşyk dabarasyny gurady, oňa diplomatik korpusyň wekilleri we beýleki ýokary derejeli myhmanlar gatnaşdy.
Türkmenistanyň Döwlet, Hukuk we Demokratiýa Instituty BMGÖM (Birleşen Milletler Guramasynyň Ösüş Maksatnamasy) bilen hyzmatdaşlykda ýurtdaky bäş uniwersitetiň talyplarynyň arasynda “Model BMG” bäsleşigini geçirdi.
Şeýle hem, şu gün gyrgyz paýtagtynda GDA ýurtlarynyň Hökümet Baştutanlarynyň Geňeşiniň mejlisi we Ýewraziýa Hökümetara Geňeşiniň mejlisi geçirilýär. Şanhaý Hyzmatdaşlyk Guramasyna agza döwletleriň Hökümet Baştutanlary hem bu mejlislere gatnaşarlar.
Multfilmiň görkezilişi 28-nji oktýabrda, sagat 14:00-da Aşgabatdaky Fransuz institutynda başlanar. Multfilmiň rus dilindäki terjime ýazgylary hem görkeziler.
ABŞ-nyň Halkara ösüş agentliginiň (USAID) dolandyryjysy Samanta Pauer Merkezi Aziý ýurtlaryna goşmaça maýa goýumlary gönükdirmekçidigini mälim etdi. Bu barada ol Samarkant şäherinde geçen C5+1 görnüşdäki ministrler maslahatynda mälim etdi.
Türkmen döwlet medeniýet institutynyň wekilleri Duşenbe şäherinde geçirilýän Gurjak teatrlarynyň halkara festiwalyna gatnaşýar.
“Şençžouo-16” ekipažynyň kosmonawtlary orbitada gök ekinleri ösdürip ýetişdirmekde täsirli netijeleri gazandy. “Týangun” kosmos stansiýasynda kosmos bagyny ösdürmek meselesiniň bir bölegi hökmünde ekipažyň agzalary ýörite modullarda sogandan we “gyzyl ülje” atly tohum pomidorlaryndan üstünlikli ter salat ýygnadylar. Bu barada "Russiýa - Hytaý: esasylar" maglumat gullugy tarapyndan habar berilýär.
“Türkmenistan” howa ýollary kompaniýasynyň hindi ugry boýunça uçarlary 2023-nji ýylyň 30-njy oktýabryndan 2024-nji ýylyň 27-nji martyna çenli täze meýilnama boýunça uçurylar. Aşgabat - Deli - Aşgabat ugry şenbe we ýekşenbe günlerinde amala aşyrylar.
Brýussel Merkezi Aziýanyň zenan liderleriniň Dialogyna gatnaşyjylaryň saparyna garaşýar. Geljek aýda, 13-15-nji noýabr aralygynda meýilleşdirilýän bu duşuşyk, Aşgabatda ýerleşýän MA-nyň Öňüni alyş diplomatiýasy boýunça sebit merkezi we ÝB-niň Merkezi Aziýa boýunça ýörite wekili bilen bilelikde gurnalýar.
