Internet ulanyjylary öýsüz galan haýwanlara bildirilýän şeýle ynsanperwerlik üçin myhmanhananyň işgärlerine oňat seslenmelerini aýdýarlar. Şeýle hem, 10 kilograma çenli agramy bolan haýwanlara eýeleri bilen myhmanhanada bolmaga rugsat edilýär. Şunda haýwanlar üçin iýmitlenmek mugtdur.
Türkmenistanyň Mejlisiniň Başlygy Dünýägözel Gulmanowa Azerbaýjan Respublikasynyň täze bellenen ilçisi Gismat Gozalow bilen geçiren duşuşygynda ikitaraplaýyn hyzmatdaşlygyň geljegi maslahatlaşyldy.
Özbegiýanyň Buhara şäherinde türkmen halylarynyň taryhynyň milli sergisiniň we haly merkeziniň açylyş dabarasy bolar. Bu çäre, 28-nji oktýabrda başlan Özbegistanda Türkmenistanyň Medeniýet günleri maksatnamasyna girizildi.
Thai Airways awiakompaniýasy, Taýlandyň aýal-uçuş işgärleri üçin ekologiýa taýdan arassa eşik hödürledi. 1-nji ýanwardan Taýlandyň stýuardessalary gaýtadan işlenen plastmassadan döredilen täze eşikleri «geýerler».
Milli howpsuzlyk ministrliginiň eýeçiligindäki Akhan atly it, 2023-nji ýylda Türkmenistanyň edermen alabaýy adyna eýe boldy. Hormatly baýrak oňa oktýabr aýynyň soňky ýekşenbesinde bellenilýän Türkmen alabaýynyň baýramy mynasybetli Aşgabatda geçirilen ýaryşyň çäginde gowşuryldy.
Gazagystanda Hazar deňzini öwrenmek üçin ylmy-barlag instituty dörediler. Kararyň taslamasy Suw serişdeleri we suwaryş ministrligi tarapyndan taýýarlandy.
Hytaýyň Çendu şäherinde ylmy fantastika muzeýi açylýar, ol reňklenen ýaly gaty üýtgeşik görünýär. Binanyň janly suratlaryny çap eden “New Atlas”-yň habaryna görä, binanyň merkezindäki ýyldyz bilen giňelýän düýbüniň buluda meňzeýän amorf görnüşi bar.
Moskwada moskwalylar üçin esasy adamzat gymmatlyklaryny - söýgini, özara düşünişmegi we ýakynlara ideg etmek ähmiýetini ýatlatmak üçin döredilen döredijilik jemgyýetçilik kampaniýasy işe başlady.
Her ýylyň 29-njy oktýabrynda türk halky özleriniň baş baýramyny – Respublika gününi belleýär. 1923-nji ýylyň şu gününde Türkiýe Respublika diýlip yglan edildi. Bu şanly sene mynasybetli Türkiýäniň özünde, goňşy we ýakyn hyzmatdaş döwletlerinde dürli baýramçylyk dabaralary geçirildi.
Türkmenistanyň Prezidenti Serdar Berdimuhamedowyň gol çeken Karary esasynda, Saglygy goraýyş we derman senagaty ministrligine Ahal welaýatynyň Bäherden etrabyndaky “Arçman” şypahanasynda taslamalary düzmek we gurmak üçin “Nahal” hojalyk jemgyýeti bilen şertnama baglaşmaga ygtyýar berildi.
Eýranyň Türkmenistandaky diplomatik wekilhanasynyň täze ýolbaşçysy wezipesine Ali Mojtaba Ruzbahani bellendi.
Noýabr aýynda Türkmenistanyň Döwlet simfoniki orkestriniň fransuz we nemes sazandalary bilen bilelikdäki konserti, «Ýaşlar» filminiň ilkinji görkezilşi bolar we Hasyl baýramy mynasybetli dabaraly çäreler guralar. Şeýle hem, indiki aý üçin IV halkara teatr festiwaly we göreş boýunça dünýä çempionaty meýilleşdirilýär.
Balkan welaýatynyň Türkmenbaşy etrabynyň Guwlymaýak şäherçesindäki «Türkmenhimiýa» döwlet konserniniň kärhanalarynyň işgärleri üçin ýaşaýyş jaý toplumy gurlar.
Nobatdaky ekologiýa çäresi – ählihalk bag ekmek dabarasy, şenbe güni, 4-nji noýabrda Türkmenistanda geçiriler. Wise-premýer Taňryguly Atahallyýew şenbe güni Ministrler Kabinetiniň mejlisinde ýurdumyzda, şol sanda Arkadag we Aşgabat şäherlerinde bag ekmäge görülýän taýýarlyk barada hasabat berdi.
Dokuzynjy synp okuwçysy Heman Bekele deriniň räk keselini bejme mümkinçiligi bolan sabyny işläp taýýarlandygy üçin Amerikanyň iň ýaş alymy diýip at aldy.
