Alymlar Merkezi Aziýanyň ýaşaýjylarynyň sagdyn ömrüniň ortaça dowamlylygyny kesgitlediler
Saglygy goraýyş ulgamlarynyň ösmegi şertlerinde Merkezi Aziýa ýurtlarynyň ilaty saglyk derejesi iň gurply ýagdaýda 38 ýyl, sagdyn ýagdaýda hem 65 ýyl ýaşaýar. Bu barada “Medical Express” neşiriniň hasabatynda mälim edilýär.
Alnan netijeleriň sebitdäki ýurtlarda saglygy goraýyş ulgamynyň durnukly ösýändigini, şeýle hem olaryň netijeli işleýändigini görkezdi. Barlaglarda Bütindünýä Saglygy Goraýyş Guramasynyň Türkmenistan, Özbegistan, Gazagystan, Täjigistan we Gyrgyzystan boýunça maglumatlary seljerildi.
Doktor Ýuga Minagawa öz derňewinde saglyk ýagdaýynyň adatça sebitde kesel ýagdaýlarynyň ýüze çykyp çykmazlygy bilen ölçelýändigini belledi. Ýöne Bütindünýä Saglygy Goraýyş Guramasynyň teklipnamasynda hem aýdylyşy ýaly, ilatyň saglyk ýagdaýyna has gowy düşünmek üçin oňyn we negatiw taraplary derňeýän seljermeleriň geçirilmegi möhümdir.
Geçirilen barlaglarda adamyň özüni bagtyýar duýup biljek derejedäki saglyk ýagdaýy göz öňünde tutuldy.
ORIENT news
