Türkmenistanyň Milli Geňeşiniň iki palatasy hem Halk Maslahatynyň (parlamentiň ýokarky palatasynyň) başlygy Gurbanguly Berdimuhamedowyň tekliplerini we maslahatlaryny göz öňünde tutup, gaýtadan taýýarlanylan «2023-nji ýyl üçin Türkmenistanyň döwlet býujeti hakynda» kanun taslamasyny tassyklady.
Russiýanyň Bardin adyndaky Gara metallar boýunça merkezi ylmy-barlag institutynyň hünärmenleri Türkmenistandan eltilen magdanlaryň seljerme işlerini tamamladylar we, şunuň bilen baglylykda, alymlar ýurduň metallurgiýa senagatyny ösdürmek üçin ýokary kuwwaty bar diýen netijä geldiler. Bu barada Russiýanyň köpçülikleýin habar beriş serişdeleri TASS agentligine salgylanyp habar berýär.
Türkmenistanyň Magtymguly adyndaky Ýaşlar guramasy Täze ýyl baýramçylygy mynasybetli döredijilik bäsleşigini yglan etdi. Bäsleşigiň maksady ýaş nesli döredijilik işlerine çekmekden, zehinli ýazyjylary we suratçylary ýüze çykarmakdan we olary höweslendirmekden ybaratdyr. Bäsleşige mekdep okuwçylary bilen birlikde 35 ýaşa çenli ýaşlar hem gatnaşyp bilerler.
Gyrgyzystanyň Energetika ministri Taalaýbek Ibraýew elektrik energiýasyny respublikanyň ýylylyk elektrik stansiýalarynda öndürmekden Türkmenistandan import etmegiň has bähbitlidigini nygtaýar. Bu barada Tazabek.kg agentligi goranmak, howpsuzlyk we migrasiýa boýunça geçirilen duşuşygyň jemleri boýunça habar berýär.
12-nji dekabrda sagat 18:00-da «Türkmenistan» kinokonsert zaly Türkmenistanyň sungatda at gazanan işgäri, kompozitor, dirižýor we sazanda Röwşen Nepesowyň ýolbaşçylyk edýän orkestriniň konsertine tomaşa etmäge çagyrýar.
Duşenbe güni 5-nji dekabrda Türkmenistanyň Döwlet haryt we çig mal biržasynyň söwdalaşyklarynda jemi bahasy 63,5 müň amerikan dollary we 48,7 million TMT bolan 25 geleşik baglaşyldy.
Bu barada sişenbe güni RF-niň ylym we ýokary bilim ministri Waleri Falkow Moskwada türkmen kärdeşi Gurbangül Ataýewa bilen bolan duşuşygynda habar berdi diýlip, Russiýanyň bilim we ylym ministrliginiň saýtynda habar berilýär.
Hugo Boss – bütindünýä meşhur brend we moda egin-eşiklerini öndüriji (Germaniýa) kompaniýasy “Fazman tekstil” özbek kärhanasy bilen bilelikde Namangan şäherinde häzirki zaman dokam fabrigini işe girizdiler. Bu ýerde kostýum-balak, şeýle hem Hugo Boss brendi astynda erkeklere, zenanlara we çagalara degişli egin-eşikleriň öndürilişini ýola goýmak meýilleşdirilýär diýip, Namangan häkimligine salgylanyp, özbek habarlar agentlikleri habar berýärler.
Gazagystan Hazar düwlenleriniň görnüşlerini gorap saklamak üçin döwlet ätiýaçlandyrmasyny döredýär diýip, respublikanyň ekologiýa, geologiýa we tebigy serişdeler ministri Serikkali Brekeşewiň aýdan sözlerine salgylanyp, RIA Nowosti habar berýär.
Wise-premýer, Türkmenistanyň Daşary işler ministri Raşid Meredow Bakuda saparda bolmagynyň çäklerinde 5-nji dekabrda, duşenbe güni Azerbaýjanyň Ykdysadyýet ministri Mikail Jabbarow bilen duşuşdy. Taraplar ýurtlaryň arasyndaky ykdysady gatnaşyklary pugtalandyrmak meselelerini ara alyp maslahatlaşdylar. Mikail Jabbarow bu barada öz twitterinde habar berdi.
Türkmenistanyň Prezidenti Serdar Berdimuhamedow ykdysady ugurlary maksat edinip, Aşgabada gelen amerikan işewürleriniň wekiliýetini kabul etdi.
Özbegistan ýanwar-oktýabr aýlarynda ykjam telefonlaryň eksportyny 1,7 esse – 25 müňe çenli artdyrdy, şu görkezijide Russiýanyň eýeleýän paýy 70%-e barabardyr diýip, respublikanyň statistika baradaky döwlet komiteti habar berýär.
7-nji dekabrdan başlap, GFR-niň Maýn boýundaky Frankfurt şäheriniň halkara howa menzilinden uçýan “Türkmenistan” awiakompaniýasynyň uçarlary Aşgabada gonarlar. Aşgabat- Maýn boýundaky Frankfurt-Aşgabat ugry boýunça gatnawlaryň täzelenen tertibi nemes howa menziliniň resmi saýtynda ýerleşdirildi.
Täze zat – ol öňler özüni oňat tarapdan görkezip ýatda galan ýakymlylyk. Häzirki wagt gök önümleri we miweleri kakatmagyň usuly barada hem şeýle diýmek bolar. Munuň özi sagdyn iýmitlenmegi halaýanlaryň we beýlekileriň arasynda barha meşhurlyga eýe bolýar. Adamlar kakadylan önümleriň syrlaryny bireýýäm açdylar – olary uzak wagtlap saklap bolýar hem-de olarda peýdaly ýokumlylyklaryň has köp möçberi saklanýar.
Daşary ýurt awiakompaniýalaryň ikisi – Belarusuň “Belawia” we Russiýanyň S7 awiakompaniýalary özleriniň Minsk-Türkmenbaşy hem-de Moskwa-Türkmenbaşy halkara gatnawlarynda Türkmenistanyň raýatlary üçin COVID-19-a garşy bildirilýän talaplar boýunça PSR-testleriň tabşyrylmagynyň zerurdygy baradaky düzgüni ýatyrdylar.Bu baraadaky maglumatlar “Belawia” we S7 awiakompaniýalaryň resmi saýtlarynda ýerleşdirildi.
