“Belawia” we S7 Airlines Minskden we Moskwadan Türkmenbaşy şäherine gatnawlarda Türkmenistanyň raýatlary üçin PSR-testleriň tabşyrylmagyny aradan aýyrdylar
Daşary ýurt awiakompaniýalaryň ikisi – Belarusuň “Belawia” we Russiýanyň S7 awiakompaniýalary özleriniň Minsk-Türkmenbaşy hem-de Moskwa-Türkmenbaşy halkara gatnawlarynda Türkmenistanyň raýatlary üçin COVID-19-a garşy bildirilýän talaplar boýunça PSR-testleriň tabşyrylmagynyň zerurdygy baradaky düzgüni ýatyrdylar.Bu baraadaky maglumatlar “Belawia” we S7 awiakompaniýalaryň resmi saýtlarynda ýerleşdirildi.
Türkmenistana girmek üçin Türkmenistanyň raýatlaryndan başga hemme ýolagçylarda we awiakompaniýalaryň uçuşy dolandyrýan düzüminiň toparynda PSR-testiň otrisatel netijesi ýa-da kesele garşy teste degişli güwänamasy bolmalydyr, onuň berlenine uçuşa çenli 48 sagatdan köp wagt geçmeli däldir.
Türkmenbaşy şäherine gelnende, ähli ýolagçylar, şol sanda Türkmenistanyň raýatlary hem koronawirus ýokanjyna garşy goşmaça barlaglary geçmelidirler.
2022-nji ýylyň 13-nji dekabryndan 2023-nji ýylyň 21-nji marty aralygynda "Belawianyň" Minsk-Türkmenbaşy ugur boýunça gatnawlarynyň sanyny artdyrandygyny ýatladýarys, ol gatnaw her sişenbe güni amala aşyrylar. Maglumat almak üçin +375172202555 telefon belgisine jaň edip bolar.
S7 Airlines 2022-nji ýylyň dekabryndan başlap, Moskwa-Türkmenbaşy-Moskwa ugry boýunça hepdede iki gezek – duşenbe we penşenbe günleri uçýar. Maglumat almak üçin telefon belgi: +74957830707.
ORIENT news
