Russiýanyň alymlary Türkmenistanyň metallurgiýa senagatyny ösdürmekligiň ýokary kuwwata eýedigini belleýärler
Russiýanyň Bardin adyndaky Gara metallar boýunça merkezi ylmy-barlag institutynyň hünärmenleri Türkmenistandan eltilen magdanlaryň seljerme işlerini tamamladylar we, şunuň bilen baglylykda, alymlar ýurduň metallurgiýa senagatyny ösdürmek üçin ýokary kuwwaty bar diýen netijä geldiler. Bu barada Russiýanyň köpçülikleýin habar beriş serişdeleri TASS agentligine salgylanyp habar berýär.
Russiýa Federasiýasynyň Türkmenistandaky söwda wekili Aleksandr Ýelizarow: «Russiýanyň Bardin adyndaky Gara metallar boýunça merkezi ylmy barlag instituty eýýäm ylmy barlag işlerini geçirdi. Geljekde uly metallurgiýa zawodyny gurmak barada meýilnamalar hem bar» — diýip, habarlar gullugyna beren interwýusynda nygtady.
Ýelizarowyň pikiriçe, Türkmenistanda magdany gazyp almak we ony gaýtadan işleýän zawodlar toplumyny gurmagyň geljeginiň gaty ýokarydygyna we şeýle taslamanyň uzak möhletli boljakdygyna ynanýar.
ORIENT news
Surat: bigasia.ru
