Türkmenistanyň işewür toparlarynyň wekillerini «India Stonemart 2024» atly daş senagaty boýunça halkara sergisiniň we maslahatynyň gatnaşyjylary bolmaga çagyrýarlar. Ol 2024-nji ýylyň 1-nji fewralyndan 4-nji fewraly aralygynda Hindistanyň Jaýpur şäherinde geçer- diýip, Türkmenistanyň senagatçylar we telekeçiler Birleşmesiniň saýty habar berýär.
Ýakynlaşyp gelýän okuw ýylyny Lebap welaýatynyň mekdep okuwçylarynyň 5 müňe golaýy täze bilim ojaklarynda garşylar. Has dogrusy täze okuw ýylynyň ilkinji gününde sebitde umumybilim berýän orta mekdepleriň 8-si we 1 sany çagalar bagy açylyp ulanmaga berler. Bu barada Türkmenistanyň resmi metbugaty habar berýär.
“Türkmennebit” döwlet konserniniň iň baýry ýataklarynda iş alyp barýan “Goturdepenebit” nebit-gaz müdirliginiň hünärmenleri şu ýylyň birinji ýarymynda nebit berýän guýulardan 534 müň tonna nebit aldylar. Munuň özi, geçen ýylyň degişli döwrüniň önümçilik görkezijisi bilen deňeşdirilende, bu hazynalar mesgeninden gymmatly uglewodorod çig malynyň jemi 10 müň 125 tonnasynyň artyk alnandygyna şaýatlyk edýär.
OpenAI kompaniýasy emeli intellektli ChatGPT çat-botyny Android operasion ulgamyň esasyndaky gurluşlarda ulanmak üçin şu hepde resmi goşundyny çykarar.
QAZAQ AIR awiakompaniýasynyň uçary taryhy uçuş etdi: De-Gawilland Dash 8- Q400 uçarynyň ekipažy tutuşlygyna aýallardan ybaratdy diýip, Almaty.tv awiakompaniýanyň metbugat gullugyna salgylanýar. Serkerde Ýekaterina Swerçkowanyň we ikinji uçarman Ažar Nesipbaýewanyň gözegçiliginde howa gämisi Astana - Petropawlowsk - Astana we Astana - Omsk - Astana ugurlarynda iki uçuş amala aşyrdy. Tutuş ekipaž aýaldan – uçaryň serkerdesi, ikinji uçarman we 2 bortprowodnikden ybaratdy.
«Ahal» futbol kluby ilkinji oýny möwsümden daşary türgenleşik lagerinde Kartepede (Türkiýe) geçirdi. Saud Arabystanyndan «Al- Adal» bilen geçirilen duşuşyk 2:2 deňlikde tamamlandy.
Türkmenistanyň milli futzal topary CAFA FUTSAL CUP-2023 ýaryşynyň ikinji tapgyrynda Täjigistan toparyndan utuldy. Duşenbe şäherinde geçen duşuşyk 4:2 hasabynda tamamlandy.
Türkmenistanyň Daşary işler ministrligi öz saýtynda köpçülikleýin habar beriş serişdeleri üçin Hazarüsti turba geçirijisi baradaky daşary ýurt metbugatynda çap edilýän neşirlere metbugatnama ýaýratdy.
Duşenbe güni türki döwletleriň ilkinji bilelikdäki metbugat platformasy bolan Turkic.World (Türk dünýäsi) taslama ofisiniň açylyş dabarasy boldy. Platforma eýýäm «Kazinform» habarlar agentligi, Özbegistanyň milli habarlar agentligi «UzA», Gyrgyzystanyň milli habarlar agentligi «Kabar» we Türkmenistanyň Daşary işler ministrligi goşuldy diýip, AZERTAC habar berýär.
Täjigistanda ýurtda migrantlary hünärmen derejesinde taýýarlamak boýunça taslama ýola goýulýar. Esasy üns hünärmenleriň dil bilimine gönükdiriler, sebäbi respublikanyň raýatlarynyň daşary ýurtlarda işe ýerleşmeginde esasy päsgelçilik olaryň daşary ýurt dillerini bilmezligidir. Ulular üçin bilim merkezlerinde iňlis, koreý we ýapon dili kurslaryny açmak meýilleşdirilýär – diýip, Sputnik habar berýär.
Berkarar SDAM Samsonite dükany ähli çemodanlara 30% we ähli torbalara 40% arzanladyş yglan edýär. Ýokary hilli harytlary satyn almak üçin amatly pursady elden bermäň.
Duşenbe güni Aşgabatda Türkmenistanyň Ministrler Kabinetiniň başlygynyň orunbasary, Daşary işler ministri Raşid Meredowyň ýolbaşçylygynda Türkmenistanyň adam hukuklary we halkara ynsanperwer hukugy babatynda halkara borçnamalarynyň ýerine ýetirilmegini üpjün etmek boýunça pudagara toparynyň mejlisi geçirildi.
Dürli miweleriň onlarça tonnasy Gazagystana ugradyldy. Bu önümler Türkmenistanyň Senagatçylar we telekeçiler birleşiginiň agzasy bolan “Miwe” açyk paýdarlar jemgyýeti tarapyndan eksport edilýär. Kompaniýanyň düzümine hersi anyk bir miwäni ösdürip ýetişdirýän "Hemsaýa", "Datly miwe", "Miweli atyz", "Gök bulut" ýaly hojalyk jemgyýetleriniň birnäçesi girýär.
23-nji iýulda “Türkmenhowaýollarynyň” üsti akylly elektronika, egin-eşik we beýleki harytlar bilen doldurylan ýük uçary Şençžen-Baoan halkara howa menzilinden Türkmenistanyň paýtagty Aşgabat şäherine ugur aldy.
Türkmenistanyň hususy düzümleriniň agzalary Hytaýyň günorta-günbatar sebitinde ýerleşýän Çunsin şäherinde 4 – 6-njy sentýabrda geçiriljek halkara intellektual senagat sergisine gatnaşmaga çagyrylýar. Bu barada Türkmenistanyň Senagatçylar we telekeçiler birleşmesi habar berýär.
