10 müň tonna nebit artyk çykaryldy
“Türkmennebit” döwlet konserniniň iň baýry ýataklarynda iş alyp barýan “Goturdepenebit” nebit-gaz müdirliginiň hünärmenleri şu ýylyň birinji ýarymynda nebit berýän guýulardan 534 müň tonna nebit aldylar. Munuň özi, geçen ýylyň degişli döwrüniň önümçilik görkezijisi bilen deňeşdirilende, bu hazynalar mesgeninden gymmatly uglewodorod çig malynyň jemi 10 müň 125 tonnasynyň artyk alnandygyna şaýatlyk edýär.
Önümçilik tabşyryklaryny artygy bilen berjaý etmekligi baş maksatlaryna öwren goturdepeli nebitçiler hasabat döwründe tutuş konsern boýunça alnan nebitiň üçden birine barabaryny taýýarlamagy başardylar. Bu barada “Türkmenistan” gazeti habar berýär.
Müdirlik boýunça geçen 6 aýda 216 million kub metre barabar ugurdaş gaz çykarylyp, bu babatdaky meýilnama 107 göterim berjaý edildi.
ORIENT news
