Lebap welaýatynda 5 müňe golaý okuwçy täze okuw ýylyny täze mekdeplerde garşylar
Ýakynlaşyp gelýän okuw ýylyny Lebap welaýatynyň mekdep okuwçylarynyň 5 müňe golaýy täze bilim ojaklarynda garşylar. Has dogrusy täze okuw ýylynyň ilkinji gününde sebitde umumybilim berýän orta mekdepleriň 8-si we 1 sany çagalar bagy açylyp ulanmaga berler. Bu barada Türkmenistanyň resmi metbugaty habar berýär.
Täze mekdepleriň üçüsi günorta-gündogar künjeginde Köýtendag etrabynda açylar. Bu orta mekdepler umumylykda 1790 okuwçynyň bilim almagyna niýetlenendir. Çärjew etrabynyň çagalary şu ýyl täze mekdepleriň ikisini sowgat alarlar. Şeýle hem, Saýat, Halaç we Dänew etraplarynda täze mekdepler açylar. Çärjew etrabynyň Farap şäherinde gurulýan mekdep birwagtda 960 okuwçynyň bilim almagyna niýetlenendir.
1-nji sentýabrda Kerki etrabynyň ýaşajyk ýaşaýjylary bolsa täze çagalar bagyny sowgat alarlar.
ORIENT news
