Täjigistan zähmet migrantlarynyň hünär taýýarlygyna girişer
Täjigistanda ýurtda migrantlary hünärmen derejesinde taýýarlamak boýunça taslama ýola goýulýar. Esasy üns hünärmenleriň dil bilimine gönükdiriler, sebäbi respublikanyň raýatlarynyň daşary ýurtlarda işe ýerleşmeginde esasy päsgelçilik olaryň daşary ýurt dillerini bilmezligidir. Ulular üçin bilim merkezlerinde iňlis, koreý we ýapon dili kurslaryny açmak meýilleşdirilýär – diýip, Sputnik habar berýär.
Şeýle hem taslama zähmet migrantlaryna we olaryň maşgalalaryna goldaw bermek üçin Sosial gaznany döreder. Maksatnamanyň durmuşa geçirilişi alty tapgyra bölünýär we ilkinji gezek ol zähmet, daşarky, içerki, daşky gurşaw we bosgunlar ýaly ilat migrasiýasynyň ähli taraplaryny düzgünleşdirer.
Mundan başga-da, Täjigistanda sebit derejesinde migrasiýa işini elektron hasaba almagyň mehanizmini işläp düzmek meýilleşdirilýär, Migrasiýa gullugynda bolsa döwlet edaralarynyň, halkara we hökümete degişli bolmadyk guramalaryň gatnaşmagynda jemgyýetçilik geňeşi dörediler.
ORIENT news
