ChatGPT resmi programma (goşundy) bir hepdäniň dowamynda Android-e çykar
OpenAI kompaniýasy emeli intellektli ChatGPT çat-botyny Android operasion ulgamyň esasyndaky gurluşlarda ulanmak üçin şu hepde resmi goşundyny çykarar.
Goşundyny ýükläp almak üçin öňünden hasaba alynmaklygy eýýäm Gogle Play-den geçip bolýar.
Garaşylyşy ýaly, Android üçin resmi goşundy çat-botyň galp wersiýalary bilen göreşmäge mümkinçilik berer, olaryň käbirleri zyýanly programma üpjünçiligini (PÜ) ýa-da galp mazmuny (kontenti) ýaýradýarlar.
Ozal OpenAI iOS üçin ChatGPT goşundysyny çykardy, ol emeli intellekti ulanmak üçin iň köp ýüklenip alynýan programmalaryň hataryna girdi.
ChatGPT — OpenAI kompaniýasynyň inženerleri tarapyndan işlenip düzülen neýrosetiň esasyndaky çat-botdyr. Onuň esasy wezipesi ulanyjy bilen gepleşigi goldamakdyr we isleg boýunça degişli maglumaty bermekdir.
ORIENT habarlar
