Türkmenistanyň Ylymlar akademiýasynyň Tehnologiýalar merkezi guradylan düýe süýdüni patentledi. Bu ylmy işi patentlemek üçin dowamly ylmy barlaglar geçirildi. Netijede, alymlar dürli minerallara baý guradylan süýt üçin iň amatly usuly oýlap tapdylar.
A.S.Puşkin adyndaky Döwlet rus drama teatrynyň döredijilik topary A.N.Ostrowskiniň adybir eseriniň esasynda «Möjekler we goýunlar» atly täze spektaklyny sahnalaşdyrdy. Komediýa žanryndaky spektaklyň režissýor-goýujysy Türkmenistanyň at gazanan artisti Olga Wolkowadyr.
Demirgazyk-Günorta halkara ulag geçelgesiniň gündogar şahasy arkaly ýük daşamagyň möçberi düýpli ýokarlanýar. Ýylyň başyndan bäri bu ulag şahasy arkaly ýük geçirilişiň ösüşi 26 göterime deň boldy. Bu barada "RŽD" paýdarlar jemgyýetiniň başlygynyň orunbasary Alekseý Şilonyň Astrahan şäherinde ulag-logistika forumynda eden çykyşyna salgylanyp, "Portnews" habarlar agentligi mälim edýär.
Gyrgyzystanyň Ulag we aragatnaşyk ministrliginiň hem-de Azerbaýjanyň Alat halkara deňiz söwda portunyň ýolbaşçylary özara gepleşikleri geçirdiler. Gyrgyzystan - Özbegistan - Türkmenistan - Azerbaýjan halkara multimodal ulag geçelgesini ösdürmek ara alyp maslahatlaşmagyň esasy mowzugy boldy.
Türkmenistanyň Adalat ministrliginiň wekilleri 30-njy noýabrda - 1-nji dekabr aralygynda Gyrgyzystanyň paýtagty Bişkekde geçirilen “Ösüş giňişligi. Täze sanly hakykat” (BIFSD 2023) atly halkara forumyna gatnaşdy.
Türkmenistanyň Prezidenti Serdar Berdimuhamedow diplomatik gatnaşyklaryň ýola goýulmagynyň 30 ýyllygy mynasybetli Zambiýa Respublikasynyň Prezidenti Hakainde Hiçilemany gutlady. Bu barada Türkmenistanyň Döwlet habarlar agentligi mälim edýär.
Şuşada “Türki dünýäsiniň medeni syýahatçylygynyň geljegi” atly halkara ylmy maslahaty geçirilýär.
Kyrkdan gowrak ýaş we geljekki diplomatlar 29-njy noýabrdan 1-nji dekabr aralygynda Aşgabatda geçirilen gepleşikleri täsirli geçirmek boýunça okuw seminarlaryna gatnaşdy.
COP28 konferensiýasynyň çäginde Türkmenistanyň Prezidenti Serdar Berdimuhamedow Birleşen Milletler Guramasynyň Daşky gurşaw boýunça maksatnamasynyň (UNEP) Ýerine ýetiriji direktory, BMG-niň Baş sekretarynyň orunbasary hanym Inger Andersen bilen duşuşdy.
2012-nji ýylda kabul edilen Howanyň üýtgemegi baradaky Milli strategiýa Türkmenistanyň ählumumy howa gün tertibine doly derejede goşulyşmagynyň ýolunda başlangyç nokada öwrüldi diýip, Prezident Serdar Berdimuhamedow Dubaý şäherinde geçirilen BMG-niň Howanyň üýtgemegi baradaky Çarçuwaly konwensiýasyna gatnaşyjy taraplaryň maslahatynda (COP-28) eden çykyşynda mälim etdi.
Owganystanyň demirýol işgärleriniň ikinji tapgyry, "Türkmendemirýollary" agentliginiň Lebap welaýatynyň Türkmenabat şäherindäki hünär derejesini kämilleşdiriş mekdebinde okuwlary geçdiler. Hünär derejesini ýokarlandyryş okuwlaryny geçen owganystanly demir ýolçulara degişli şahadatnamalar gowşuryldy.
4 - 7-nji dekabrda Eýranyň paýtagty Tähranyň Merkezi sergi toplumynda 2- nji "EURASIA EXPO-2023" atly halkara sergisi geçiriler. Bu gözden geçirilişe Türkmenistanyň, Russiýa Federasiýasynyň, Pakistanyň, Yragyň, Kuweýtiň, Bahreýniň, Omanyň, Türkiýäniň, BAE-niň, Saud Arabystanynyň, Hytaýyň, Hindistanyň, Singapuryň, Wýetnamyň, Azerbaýjanyň, Belarusyň, Özbegistanyň, Ermenistanyň, Gazagystanyň, Gyrgyzystanyň we Täjigistanyň wekiliýetleriniň gatnaşmagyna garaşylýar.
Prezident Serdar Berdimuhamedow Dubaý şäherinde geçirilýän BMG-niň Howanyň üýtgemegi baradaky Çarçuwaly konwensiýasyna gatnaşyjy taraplaryň maslahatynda (COP28) maslahatynda Türkmenistanyň Ählumumy metan borçnamasyna goşulýandygyny resmi taýdan beýan etdi. Bu barada Türkmenistanyň Döwlet habarlar agentligi mälim edýär.
Amerikaly telekeçi Ilon Maskyň SpaceX kompaniýasy dekabr aýynda Starlink hemralaryny ulanmak arkaly öýjükli aragatnaşygy synag etmäge başlamagy meýilleşdirýär. Şeýlelikde, smartfonlar SpaceX kompaniýasynyň ählumumy hemra aragatnaşyk ulgamyna göni birikdiriler.
China Daily web saýty we ASEAN-Hytaý merkezi tarapyndan Interneti ösdürmegiň Hytaý gaznasy bilen bilelikde guralan halkara Hytaý-ASEAN media-syýahaty tamamlandy.
