"Dragon Oil" kompaniýasy maýa goýumlary giňeltmek boýunça Türkmenistan bilen ylalaşyga gol çekdi
Anna güni "Dragon Oil" nebitgaz kompaniýasy maýa goýumlary giňeltmek boýunça özara düşünişmek hakynda Türkmenistanyň Hökümeti bilen Ähtnama gol çekdi. Degişli resminama gol çekmek dabarasy Türkmenistanyň Halk Maslahatynyň Başlygynyň ýolbaşçylygyndaky wekiliýetiň Birleşen Arap Emirliklerine bolan iş saparynyň çäklerinde geçirildi. Bu barada "Erm economic " arap neşiri habar berýär.
Gol çekişlik dabarasyndan soň, habarlar neşiri "Dragon Oil" kompaniýasynyň baş direktory Ali Raşid Al Jarwan bilen söhbetdeş boldy. Onda emirlikleriň Hökümetiniň daşary ýurtlaryň nebit pudagyna ýyllyk goýýan maýa goýumy 1,5 milliard dollara golaýlaýar. Bu maýalar Türkmenistandaky, Yrakdaky we Müsürdäki taslamalara gönükdirilýär.
Gaýtadan dikeldilýän energetika babatda strategik meýilnamalaryny, soňky ýyllarda işe girizilen köp sanly taslamalaryny we başlangyçlaryny hasaba almak bilen BAE dünýäde energiýa isleglerini kanagatlandyrmak üçin däp bolan energetika ugurlaryna maýa goýumlaryny giňeltmek işini ilerledýär.
ORIENT news
