Türkmenistanyň demirgazygynda ekin meýdanlaryny suw bilen üpjün etmek boýunça yzygiderli işler alnyp barylýar
Türkmenistanyň Daşoguz sebitinde oba hojalygynyň suw üpjünçilik işiniň netijeliligini ýokarlandyrmak üçin çäreler işjeň durmuşa geçirilýär. Bu barada “Daşoguzsuwhojalyk” önümçilik birleşiginiň baş inženeri Mämmedoraz Babajanow “Daşoguz habarlary” gazetiniň habarçysy bilen geçiren söhbetdeşliginde mälim edýär.
Birleşigiň geçen ýyl üçin iş meýilnamany üstünlikli ýerine ýetirendigi bellärliklidir. Häzirki wagtda “Daşoguzsuwhojalyk” önümçilik birleşiginiň hünärmenleri bellenilen mukdardaky suwy öz wagtynda kabul etmek üçin ähli tagallalary edýärler hem-de indiki ýyl üçin bugdaý, pagta, ýeralma we beýleki ekinler üçin bölünip berlen ýerleri suwlulandyrmak üçin degişli çäreleri durmuşa geçirýärler.
Suw akabalaryny we desgalaryny arassalamakda hem-de beýleki işleri ýerine ýetirenlerinde, birleşigiň işgärleri döwrebap tehnikalary – 5 buldozeri, 13 sany gyrmança arassalaýjylary, 14 suw nasosyny, 21 sany hem ekskwatory ulanýar.
Baş inžener önümçilik birleşigiň öňdebaryjy işgärleriniň hatarynda Amangeldi Paltaýewi, Döwran Annaýewi, Öwezdurdy Gaýypowy, Sapargeldi Rejepowy belläp geçýär.
Türkmenistanyň demirgazyk sebitini esasan, Amyderýa suwlulandyrýar. Sebitiň iri suw akabalary Türkmenderýa, Hanýap, Gylyçbaý we Jumabaý Amyderýanyň suwy bilen üpjün edilýär. Türkmenderýadan bolsa, Şawat, Şasenem we Gazawat suw akabalary gözbaş alýar. Serhetüsti zeýkeş kanallary bolan Kölli, Döwdan, Mangyt, Çagat-Atabent we Baş Köneürgenç akabalarynda yzygiderli arassalaýyş işleri geçirilýär.
ORIENT news
