Aşgabatda moda görkezilişi guralar
Türkmenistanyň ÝUNESKO-nyň işleri boýunça Milli toparynyň sekretariaty Aşgabat şäheriniň häkimligi we Modalar öýi bilen birlikde ÝUNESKO-nyň Döedijilik şäherleriniň toruna Aşgabat şäheriniň girizilmegi mynasybetli şäheriň dizaýnerçilik mümkinçiliklerini görkezmek maksady bilen türkmen milli lybaslarynyň görkeziliş dabarasyny gurar.
Oňa Aşgabat şäherindäki Modalar öýi, “Mähirli zenan”, “Nur ýüpek” we “Peýker” hususy kärhanalary gatnaşarlar. Dabaralar 7 – 9-njy ýanwarda paýtagtyň Modalar öýüniň binasynda guralar. Şeýle hem, “Dizýan +” atly serginiň, Magtymguly Pyragynyň 300 ýyllygy mynasybetli tematiki çykyşlaryň geçirilmegi meýilleşdirilýär.
Çäreleriň dowamynda ýurduň iň öňdebaryjy moda dizaýnerleri tarapyndan taýýarlanylan milli lybaslaryň, şarflaryň we köýnekleriň görkezilişi, şeýle hem döredijilik toparlarynyň çykyşlary we wideoýazgylary üç günläp dowam eder. Ol her gün 10:00-da başlar.
ORIENT news
