Tiz wagtdan 1802-nji ýyldan bäri saklanylýan Parfenonyň mermerden ýasalan heýkelleri Britaniýanyň muzeýinden Akropolyň muzeýine gaýdyp gelerler, şeýlelikde Beýik Britaniýa bilen Gresiýanyň arasyndaky üç asyrlap dowam eden jedel çözler – diýip, Bloomberg habar berýär.
Türkmenistanyň Prezidenti Serdar Berdimuhamedow 5-6-njy ýanwarda Hytaýa döwlet saparyny amala aşyrar – diýip, sişenbe güni HHR-nyň DIM-i habar berdi.
Halkara futbol federasiýasy (FIFA) beýleki futbol guramalarynyň wekilleri bilen her ýurtda iň azyndan bir stadionyň adyny üýtgedip, dünýäniň üç gezek çempiony, futbolyň şasy, braziliýaly Peläniň adyny dakmaklygy ara alyp maslahatlaşýar.
HHR-nyň başlygy Si Szinpin ýurduň döwlet syýasatyny emele getirmek üçin dünýä jemgyýetçiliginiň sesini eşitmegi niýet edinýär – diýip, China daily habar berýär. Şu maksat bilen Hytaýyň hökümeti onlaýn-pikir soraşmasynyaçdy, ol bütin dünýädäki adamlary Si Szinpin bilen öz pikirlerini paýlaşmaga çagyrýar.
«ABŞ-da inflýasiýa özüniň iň ýokary derejesine baryp ýetdi, ýöne ol bu tapgyryň iň soňky derejesi däl» – diýip 2008-nji ýylyň çökgünligini öňünden aýdan Maýkl Berri beýan etdi we ABŞ-nyň aşak düşmä – ykdysadyýetiň ösüşiniň haýallamagyna duçar bolup biler diýip belledi – diýip, Business Insider habar berýär.
28-nji dekabrdan 12-nji ýanwar aralygynda uçýan Kwadrantida meteor tapgyry 4-nji ýanwar gijesinde iň ýokary nokada ýeter – diýip, Moskwanyň Planetariumynyň metbugat gullugy habar berýär.
"Geljegiň oýunlary" atly halkara taslama kibersport we nusgawy sport görnüşleriniň utgaşyklygy esasyny düzýän we sportuň innowasion görnüşlerini ösdürmek hereketini goldamaga gönükdirilen sport ýaryşlarynyň täze görnüşidir.
Prezident Serdar Berdimuhamedow sişenbe güni wideoaragatnaşyk arkaly welaýatlaryň häkimleri we obasenagat toplumyna gözegçilik edýän wise-premýer bilen iş maslahatyny geçirdi. Maslahatyň esasy meselesi ýurduň oba hojalyk pudagyndaky işleriň ýagdaýyny ara alyp maslahatlaşmakdan ybarat boldy. Şeýle hem ýerlerde milli durmuş-ykdysady maksatnamanyň durmuşa geçirilişi, ýylylyk, gaz-suw-elektrik üpjünçilik ulgamlarynyň üznüksiz işledilişi baradaky meselelere garaldy.
"Bloombergiň" habar bermegine görä, Türkiýe Bolgariýa suwuklandyrylan tebigy gaz terminallaryny elýeter etmek bilen "sebitiň gaz üpjünçilik ýagdaýyny diwersifikasiýa edip biljek Ýewropa gaz bazarynyň bir tarapyndan girdi”.
Özbegistanyň bäş howa menzilinde - Daşkent, Samarkand, Buhara, Fergana we Ürgenç şäherlerinde 2-nji ýanwarda Tax Free ulgamy dabaraly ýagdaýda işe girizildi, onuň üsti bilen daşary ýurtly syýahatçylar satyn alan harytlary üçin keşbek alyp bilerler, ýagny syýahatçylara goşulan baha üçin salgyt yzyna gaýtarylyp berilýär. Ulgam Özbegistanyň Döwlet salgyt komiteti tarapyndan gurnaldy we häzirki wagtda ol synag tertibinde işleýär – diýip, Özbegistanyň howa menziliniň metbugat gullugy habar berýär.
Hormatly Prezidentimiz Serdar Berdimuhamedow Ministrler Kabinetiniň obasenagat toplumyna gözegçilik edýän orunbasary A.Ýazmyradowyň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Onda ýurdumyzyň welaýatlarynda alnyp barylýan möwsümleýin oba hojalyk işleriniň barşy bilen baglanyşykly meselelere garaldy.
Ýurduň habarçylarynyň berýän habaryna görä, Gyrgyzystanyň Medeniýet ministrliginiň metbugat gullugynyň wekili: "2023-nji ýylyň 1-nji ýanwaryndan Gyrgyzystanyň artistlerine fonogramma ulanmak gadagan edildi" - diýdi.
Edermen Petýa, şadyýan guşjagaz, hüňürdeýän, ýöne akgöwünli baba hakyndaky sazly hekaýany Moskwada, Londonda, Parižde, Berlinde, Nýu-Yorkorkda we beýleki şäherlerde gowy görýärler. Bu eser 1936-njy ýylda kompozitor Sergeý Prokofýew tarapyndan ýazylypdy we şondan bäri dünýäniň ähli ýurtlarynda diýen ýaly ýerine ýetirildi.
Wýetnamdan Gazagystana tarap ugur boýunça ilkinji demirýol gatnawy 31-nji dekabrda işe girizildi. Ol Nýaçang şäheriniň demirýol menzilinden Almaty şäherine ugrady, Hytaýyň gündogaryndaky Sianyň gämi menzilinde ol tekerleriniň çalşygyny amala aşyrdy. Soňra otly Hytaý-Ýewropa ekpresi arkaly Gazagystana ugradyldy. Onuň alyp barýan esasy harytlary elektron ulgamyna degişlidir.
Türkiýe dürli ýurtlaryň 15-si bilen gaz paýlaýjy merkeziň taslamasy baradaky meseläni ara alyp maslahatlaşdy, umuman, netijeler oňyn ýagdaýda. Bu barada ýurduň energetika we tebigy serişdeler minstri Fatih Dönmeziň sözlerine salgylanyp, Anadolu agentligi habar berýär.
