2008-nji ýylda çökgünlik boljagyny öňünden aýdan ykdysadyýetçi 2023-nji ýylda ABŞ-nyň ykdysady taýdan pese düşmesini çaklaýar
«ABŞ-da inflýasiýa özüniň iň ýokary derejesine baryp ýetdi, ýöne ol bu tapgyryň iň soňky derejesi däl» – diýip 2008-nji ýylyň çökgünligini öňünden aýdan Maýkl Berri beýan etdi we ABŞ-nyň aşak düşmä – ykdysadyýetiň ösüşiniň haýallamagyna duçar bolup biler diýip belledi – diýip, Business Insider habar berýär.
ABŞ-nyň Federal ätiýaçlyk ulgamy üçin inflýasiýanyň görkezijisi 2% deňdir, ýöne 2022-nji ýylyň dowamynda ol tomsuna 9,1% çenli we güýzüne- 7% çenli ýokarlandy. Merkezi bank göterim derejesini noldan 4% çenli artdyryp, şol bada muňa jogap gaýtardy we inslýasiýanyň ýokarlanjakdygyny mälim etdi.
Russiýanyň bilermenleri dünýä boýunça pese gaçmagyň görünmeýändigini beýan etdiler, onuň diňe haçanda iki sany uly ykdysadyýetde – hem ABŞ-da hem Hytaýda bir wagtda maliýe meseleleri ýüze çykanda bolup biljekdigini tassykladylar.
“Çuňňur we uzaga çekýän pese gaçma men garaşamok. Ähtimallyk hemişe bardyr, ýöne ol örän ujypsyz. Eger-de bir wagtyň özünde hem ABŞ-da, hem Hytaýda pese gaçma ýüze çyksa, bu dünýä ykdysadyýeti üçin çynlakaý meseleleri döredip biler” – diýip, ykdysady ylymlaryň kandidaty Nikolaý Kulbaka Lenta.ru. bilen söhbetdeşliginde beýan etdi.
ORIENT habarlar
Surat: rbc.ru
