"Geljegiň oýunlary" - sanly we fiziki dünýäniň çatrygyndaky özboluşly köp görnüşli sport taslamasy
"Geljegiň oýunlary" atly halkara taslama kibersport we nusgawy sport görnüşleriniň utgaşyklygy esasyny düzýän we sportuň innowasion görnüşlerini ösdürmek hereketini goldamaga gönükdirilen sport ýaryşlarynyň täze görnüşidir.
2024-nji ýylda Kazanda geçiriljek "Geljegiň oýunlary" atly halkara sport ýaryşlaryny geçirmäge taýýarlyk görmegiň çäklerinde şu ýyl birnäçe synag çärelerini geçirmek meýilleşdirilýär.
“Bu başlangyç häzirkizaman kompýuter tehnologiýalaryny we adaty sport ussatlygyny özünde jemleýän dünýäde deňi-taýy bolmadyk özboluşly taslama.
Bu çemeleşme täze görnüşleri arkaly adamlary, ilkinji nobatda ýaşlary sporta çekmek üçin uly mümkinçilikleri açýar. Bu başlangyjyň halkara sport hyzmatdaşlygyny ösdürmekde täze mümkinçilikleri açýandygyny göz öňünde tutmalydyrys" - diýip, Russiýanyň Daşary işler ministrliginiň resmi wekili Mariýa Zaharowa Moskwada täze ýylyň öňüsyrasynda geçirilen brifingde aýtdy.
Russiýa eýýäm agzalan taslamany durmuşa geçirmek üçin çynlakaý taýýarlyk işlerini geçirdi. 2024-nji ýylyň fewral aýynda Kazanda geçiriljek ýokary tehnologiýaly sport şüweleňi sportuň fiziki we sanly dünýälerdäki azyndan 16 görnüşini birleşdirer. Bäsleşik 9 gün dowam eder we 100-den gowrak ýurtdan 2000-den gowrak türgeni bir ýere jemlär.
2022-nji ýylda Kazanda üç synag çäresi - “Figital Live” halkara oýunlary geçirildi, ýene üçüsi 2023-nji ýyla meýilleşdirilýär. Bäsleşikler birnäçe ugurlary öz içine alar: elektron sport, hereket tehnologiýalary, robot tehnikasy, emeli aň, innowasiýa, ýokary tehnologiýa elementleri bolan nusgawy sport.
Geljekde şular ýaly köp görnüşli sport ýaryşlaryny dünýäniň dürli ýurtlarynda iki ýylda bir gezek uly baýrak gaznasy bilen geçirmek meýilleşdirilýär.
Giňişleýin maglumat "Geljegiň oýunlary" taslamasynyň internet saýtynda
