12-14-nji dekabrda Daşkentde GDA gatnaşyjy döwletleriň döredijilik we ylmy intelligensiýasynyň XV forumy geçiriler. Kongress Arkalaşygyň ýurtlarynyň Döwletara geňeşiniň we Ynsanperwer hyzmatdaşlygy gaznasynyň goldamagynda geçirilýär we däp boýunça her ýyl GDA döwletleriniň paýtagtlarynda bolup geçýär diýip, özbek KHBS-leri habar berýärler.
Türkmenistanyň Lebap welaýatynyň gümrük gullugynyň «Farap awtoýollary» gümrük nokadynyň Port Gözegçilik toparynyň agzalary, Özbegistanyň «Alat» gümrük nokadyndaky kärdeşleri bilen bilelikdeýük daşaýan otlylaryň gatnawyna gözegçilik etmekboýunça amaly okuw sapagyny tamamladylar.
Rus hünärmenleri GDA ýurtlarynyň kompaniýalaryüçin ýörite maglumat goldaw portalyny döretmegi meýilleşdirýärler. Bu barada Russiýa Federasiýasynyň Ykdysady ösüş ministri Maksim Reşetnikow Samarkantda geçirilen rus-özbek işewürlik forumynda eden çykyşynyň barşynda aýtdy – diýip, tj.sputniknews habar berýär.
«Türkmenhimiýa» döwlet konserni Ahaldaky tebigy gazdan benzin öndürýän zawodyň çäginde metanol öndürýän kärhanany gurmagy meýilleşdirilýär. Bu barada anna güni geçirilen Ministrler Kabinetiniň mejlisinde senagata gözegçilik edýän wise-premýer Çarymyrat Pürçekow mälim etdi – diýip, TDH agentligi habar berýär.
Hazar düwlenleriniň köpçülikleýin gyrylmagynyň esasy sebäpleri Hazar deňzine adam täsirleri bilen baglanyşykly bolmadyk «tebigy sebäpleriň» täsirleri hökmünde ykrar edildi. Bu barada Dagystan Respublikasynyň Tebigy baýlyklar ministrligi resmiTelegram kanalynda habar berýär.
Türkmenistanyň lukmançylyk pudagyndaky hünärmenler lukmanlaryň jemgyýetçilik guramasyny döreder. Bu barada anna güni Ministrler Kabinetiniň mejlisinde hökümetiň saglygy goraýyş pudagyna jogapkär wise-premýer Nurmuhammet Amannepesow mälim etdi – diýip, TDH agentligi habar berýär.
Ýewropanyň ösüş we täzeleniş bankynyň (EBRD) howandarlygynda Aşgabatda kiçi we orta kärhanalaryň öndürijilik kuwwatyny ýokarlandyrmakda elektron söwdanyň mümkinçiliklerine bagyşlanyp duşuşyk geçirildi. Bu barada ORIENT-iň habarçysy habar berýär.
Türkmenistanyň Adalatçysynyň diwany hukuk goraýjy edaralar bilen özara gatnaşyklaryň kanuny esaslaryny we kazyýetleriň garaşsyzlygy bilen baglanyşykly meseleleri ara alyp maslahatlaşdy.
Türkmenistanyň ähli welaýatlarynda 2023-2028-nji ýyllar üçin Çagalaryň hukuklary boýunça hereketleriň nobatdaky Milli meýilnamasyny (ÇHHMM) işläp taýýarlamak boýunça maslahatlaşmalaryň tapgyry tamamlandy. Maslahatlaşmalar adam hukuklary we halkara ynsanperwer hukuklary babatda halkara borçnamalaryny berjaý etmek boýunça Pudagara toparynyň Sekretariaty hökmünde onuň ygtyýarlyklary göz öňünde tutulyp, bu işde esasy orun eýelän Döwlet, hukuk we demokratiýa instituty we ÝUNISEF bilen bilelikde alnyp baryldy.
Türkmenistanyň ýaş tennisçisi Sülgün Işangulyýewa Türkiýäniň Izmir şäherinde 10 ýaşa çenli çagalaryň arasynda geçirilen halkara tennis ýaryşynda ýeňiji boldy. Bu barada şu gün resmi türkmen metbugaty ýazýar.
Aşgabatda Aziýa Futbol Konfederasiýasynyň (AFK) futbol tälimçileriniň «A» derejesi boýunça ygtyýarnama almak üçin okuw sapaklary geçirilýär. Bu barada Türkmenistanyň Futbol Federasiýasynyň web saýty habar berýär.
Türkmenistanda gümrük resminamalaryny elektron usulda resmileşdirmek we gaýtadan işlemek bilen baglanyşykly gümrük amallaryny we elektron hyzmatlaryny has-da ýokarlandyrmak boýunça okuw sapagy geçirildi. Bu barada Türkmenistanyň Döwlet gümrük gullugynyň resmi saýty habar berýär.
Bütindünýä Saglygy goraýyş guramasynyň Türkmenistandaky edarasy BSGG-nyň Ýewropa bölümi we Türkmenistanyň Saglygy goraýyş we derman senagaty ministrligi bilen bilelikde COVID-19 bilen kesellänlere giňeldilen ideg boýunça okuw sapagyny geçirdi. Bu barada BSGG-nyň resmi saýtynyň maglumatynda habar berilýär.
Türkmenistan Koreýa Respublikasynyň öňdebaryjy kompaniýalarynyň gatnaşmagynda birnäçe iri maýa goýum taslamalaryny durmuşa geçirmek maksady bilen, Koreýanyň eksport-import bankyndan (KEXIM) karz serişdelerini aldy.
Anna güni 2-nji dekabrda Türkmenistanyň Döwlet haryt we çig mal biržasynyň söwdalaşyklarynda bahasy 284,6 müň amerikan dollary bolan 2 geleşik baglaşyldy. Bu barada ORIENT-iň habarçysy habar berýär.
