Türkmenistan elektron ulag üsthaty baradaky teswirnama goşuldy
Türkmenistan BMG-niň Konwensiýasynyň ýükleriň halkara ýol daşamalary baradaky şertnamasynyň elektron üsthatyna (e-CMR) degişli goşmaça teswirnamasyna goşuldy. Bu barada awtomobil ulaglarynyň Halkara birleşigi (IRU) habar berýär.
Türkmenistanyň e-CMR teswirnamasyna goşulmagy gündogar bilen günbatary, demirgazyk bilen günortany birleşdirýän ýurduň esasy üstaşyr geçelgesi hökmündäki ähmiýetini has hem artdyrdy. Geljekde bu harytlaryň we üstaşyr ýük daşamalaryň üýtgäp durýan ugurlar boýunça barha artýan akymyny netijeli dolandyrmaga kömek eder.
Teswirnama goşulmak ýük daşamalarynyň sanlylaşdyrylmagyna, tutuş logistika zynjyrynda aýdyňlygyny we howpsuzlygyny ýokarlandyrmaga ýardam eder.
Maglumatlary işlemäge edilýän çykdajylary kemeldip, e-CMR logistika kompaniýalaryna hakyky wagt kadasynda ýükleri almak we ugratmak barada maglumata elýeterlik döredip, üpjün etmeleri yzarlamak üçin has takyk maglumatlary berer.
ORIENT habarlar
