Russiýa we Türkmenistan Demirgazyk-Günorta ulag geçelgesini doly kuwwatyna çykarmagyň üstünde işleýär
Russiýanyň premýer-ministri Mihail Mişustin penşenbe güni türkmen-rus işewür forumynda eden çykyşynda “Russiýa we Türkmenistanyň Demirgazyk-Günorta halkara ulag geçelgesini (ITC) ösdürmek we doly güýje girizmek üçin iş alyp barýandygyny” aýtdy.
Şeýle-de ol halkara transport ugurlarynyň döredilmegine aýratyn ähmiýet berilýändigini aýtdy. “Bu ýerde biziň pozisiýamyz türkmen kärdeşlerimiziň çemeleşmelerine doly gabat gelýär. Demirgazyk-Günorta halkara transport koridoryny ösdürmek we doly güýje getirmek üçin bilelikde işleýäris" – diýip, Mişustin belläp geçdi.
Onuň sözlerine görä, bu infrastruktura, hyzmat we söwda-logistika merkezleriniň gurluşygy we deňiz portlaryny döwrebaplaşdyrmak bilen baglanyşykly işewürlik üçin giň mümkinçilikleri açar.
Russiýa Federasiýasynyň premýer-ministri penşenbe güni Aşgabat şäherine geldi we rus-türkmen işewürler forumynyň umumy mejlisine gatnaşdy. 20-nji ýanwarda Mişustiniň Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow bilen duşuşygy we Türkmenistanyň Prezidenti Serdar Berdimuhamedow bilen gepleşikleri meýilleşdirilýär.
ORIENT news
