Merkezi Aziýaýanyň bäş ýurdunyň Liderleriniň konsultatiw duşuşygy 21-nji ýulda Gyrgyzystanda, Çolpon-ata şäherinde, Yssyk-kölüniň kenarynda geçiriler diýip, Täjigistan Sputnik habar berýär.
Türkiýäniň wise-prezidenti Fuat Oktaý Türkiýe-Türkmenistan-Azerbaýjan üçtaraplaýyn sammitini geçirmegiň meýilleşdirilýändigini beýan etdi.
Russiýanyň Türkmenistan bilen energetikada hyzmatdaşlyk, şol sanda käbir şertnamalary dowam etmek barada anyk ylalaşyklary bar, “Gazprom”-yň ýolbaşçylary bolsa ýakynda Türkmenistana geler.
Çarşenbe güni, 29-njy iýunda Aşgabatda geçirilen VI Hazar Sammitiniň netijeleri metbugat üçin beýannamada aýdyldy. Ony Türkmenistanyň wise-premýer, daşary işler ministri Raşid Meredow beýan etdi.
Ýedinji Hazar sammiti Eýran Yslam Respublikasynda ylalaşylan wagtda geçiriler. Bu barada çarşenbe güni Aşgabatda geçirilen VI Hazar sammitiniň Jarnamasynda aýdylýar.
Hazarýaka döwletleriniň ýörite wekilleriniň derejesinde Daşary işler ministrlikleriniň howandarlygynda yzygiderli geňeşmeleriň geçirilmegi bäş ýurduň döwlet edaralarynyň özara hereket etmegi üçin şertleri üpjün etmäge gönükdirilendir.
Halkara işewürlik, maliýe institutlary Hazar sebitine üns we gyzyklanma bilen garaýarlar, onuň mümkinçiliklerine we geo-ykdysady gymmatyna düşünýärler – diýip, Türkmenistanyň Prezidenti Serdar Berdimuhamedow çarşenbe güni Aşgabatda Hazarýaka döwletleriniň ýolbaşçylaryny ýygnan VI Hazar sammitinde belläp geçdi.
Türkmenistanyň Prezidenti Serdar Berdimuhamedow Hazar sebitinde pugta, uzakmöhletli we bölünmez howpsuzlygyň üpjün edilmegini deňizde bäştaraplaýyn hyzmatdaşlygyň üstünlikli bolmagynyň esasy wezipeleriniň biri, şonuň bilen birlikde, aýrylmaz şerti diýip atlandyrdy.
Çarşenbe güni Aşgabatda geçirilýän Hazarýaka döwletleriniň Baştutanlarynyň duşuşygynyň gysga görnüşdäki mejlisi tamamlanyp, VI Hazar Sammitiniň işi giňişleýin görnüşe geçdi. Prezidentler beýleki, has giň zala geçdiler, şol ýerde olara bäş ýurduň wekiliýetleriniň agzalary goşuldylar.
Aşgabatda VI Hazar Sammiti açyldy. Türkmenistanyň, Azerbaýjanyň, Gazagystanyň, Eýranyň we Russiýa Federasiýasynyň Baştutanlarynyň duşuşygy “Arkadag” myhmanhanasynda geçýär.
Sişenbe güni Aşgabatda Eýranyň daşary işler ministri Huseýn Amir Abdullahian Hazarýaka döwletleriniň DIM-niň ýolbaşçylarynyň duşuşygynda çykyş edip, göni başlangyç ugurlar baradaky ylalaşygyň ähmiýetini nygtady.
Dört ýyl mundan ozal geçirilen Hazarýaka döwletleriniň daşary işler ministrleriniň soňky ýygnagyndan bäri bäştaraplaýyn hyzmatdaşlygyň derejesi ep-esli ýokarlandy, munuň özi şu formatda ýygy-ýygydan duşuşmagymyzyň zerurdygyny görkezýär – diýip, RF-nyň Daşary işler ministri Sergeý Lawrow aýtdy.
Gazagystan Hazar hyzmatdaşlygynyň çäklerinde, birinjiden, üstaşyr-ulag we maýa goýum gatnaşyklaryny ösdürmek, şol sanda Hazaryň doly derejede ulanylmaýan ulag geçelgelerini peýdalanmak arkaly täze multimodal ugurlaryny döretmek ugrunda çykyş edýär.
Aşgabatda Hazarýaka döwletleriň DIM-leriniň ýolbaşçylarynyň ýygnagy başlandy. Raşid Meredow Daşary işler ministrliginiň binasyna gelýän kärdeşlerini nobatma-nobat garşy aldy. lkinji bolup, RF-nyň DIM-niň ýolbaşçysy Sergeý Lawrow geldi. Ol forumyň çäginde Meredow bilen ikitaraplaýyn duşuşyk geçirdi.
Türkmenistanyň Daşary işler ministrliginde Türkmenistanyň we Russiýanyň ministrleriniň ikitaraplaýyn duşuşygy geçirildi. Raşid Meredow we Sergeý Lawrow hazarýaka döwletleriň DIM-leriniň ýolbaşçylarynyň ýygnagyndan öň gepleşikleri geçirdiler.
