Türkmenistan migrasiýa ulgamyndaky dünýä tejribesi bilen tanyşdy
Oktýabr 07, 2022 | 14:30 |6432
Türkmenistanyň wekilleri migrasiýa syýasaty babatynda takyk seljerme beriş meselelerini ara alyp maslahatlaşdylar we Türkiýäniň Stambul şäherinde Migrasiýa baradaky halkara guramasynyň maslahatynyň dowamynda migrasiýa maglumatlaryny alyşmak, toplamak we seljermek boýunça halkara tejribesi bilen tanyşdylar.
Türkmenistanyň Migrasiýa gullugynyň saýtynda berilýän habara görä, maslahata gatnaşyjylar öňdebaryjy tejribäni öwrenmek üçin şunuň ýaly duşuşyklaryň yzygiderli geçirilmeginiň we abraýly halkara düzümleri bilen hyzmatdaşlygyň giňeldilmeginiň möhüm bolup durýandygyny bellediler.
ORIENT news
Surat: migration.gov.tm
