Türkmen wekiliýeti Strasburgda EB bilen hyzmatdaşlygyň meselelerini ara alyp maslahatlaşýar
Türkmenistanyň Daşary işler ministrliginiň, Adalat, Maliýe we ykdysadyýet ministrlikleriniň, şeýle hem Türkmenistanyň Ýokary kazyýetiniň we Baş prokuraturasynyň işgärlerinden ybarat bolan wekiliýet 4 günlük saparynyň çäklerinde Ýewropa Geňeşiniň wekilleri bilen halkara hyzmatdaşlygynyň meselelerini ara alyp maslahatlaşýar.
Fransiýanyň Strasburg şäherinde geçirilýän duşuşyklar «Merkezi Aziýada hukugyň hökmürowanlygy» boýunça 2022-2023-nji ýyllar üçin Maksatnamasynyň çäginde meýilleşdirildi we bir bitewi hukuk giňişligini döretmäge we guramanyň agza däl ýurtlary üçin Ýewropa Geňeşiniň konwensiýasyna goşulmaga gönükdirilendir, bu barada Türkmenistanyň Maliýe we ykdysadyýet ministrliginiň saýtynda habar berilýär.
Şeýle hem, duşuşyklaryň birnäçesi ykdysady jenaýatlara garşy göreş, Merkezi Aziýa üçin Adam hukuklary boýunça Ýewropa maksatnamasy hakyndaky meseleleri ara alyp maslahatlaşmalary öz içine alýar.
ORIENT news
Surat: fonwall.ru
