2024-nji ýylyň ýanwar-iýun aýlarynda özara söwdanyň möçberi 2023-nji ýylyň şu döwri bilen deňeşdirilende pul görkezijisi boýunça 73,5 % artdyryldy. Bu barada Russiýa Federasiýasynyň Ykdysady ösüş ministri Dmitriý Wolwaç habar berdi.
10-njy sentýabrda Türkmenistanyñ Halkara maýa goýum maslahatynda (TIF-2024) "Çalık Holding" dolandyryşyñ başlygy Ahmet Çalyk öz çykyşynda halkara hyzmatdaşlygyñ hem-de ýurduñ ykdysadyýetiniñ esasy ugurlarynyñ ösdürulmegine maýa goýumlary çekmek meselesine aýratyn ähmiýet berdi.
Aşgabatda Türkmenistanyň Maýa goýum maslahaty hem-de Türkmenistanyň ykdysadyýetine ýokary tehnologiýalary we innowasiýalary çekmek boýunça halkara maslahaty we sergisi öz işine başlady.
9-njy sentýabrda Ýagşygeldi Kakaýew adyndaky Halkara nebit we gaz uniwersiteti (Aşgabat ş.) hem-de Gruziýanyñ tehniki uniwersiteti iki ýokary okuw mekdebiniñ arasynda hyzmatdaşlyk barada Ähtnanamy taýýarlamak babatynda onlaýn duşuşygy geçirdiler.
Polşanyň hökümeti Ýewropa Bileleşigine girmeýän ýurtlarlardan gelýän ýük daşalyşlary üçin hökmany elektron bellige alnyş ulgamyny girizýär. Bu barada respublikanyň wise-premýeri we Milli goranmak ministri Wladislaw Kosinýak-Kamyş žurnalistlere habar berdi.
Geçen hepde Türkmenistanyň Döwlet haryt çig-mal biržasynda 10 sany geleşik bellige alyndy.
Türkmenistanyň Kabuldaky ilçisi Hoja Öwezow 8-nji sentýabrda Owganystanyň Aragatnaşyk we maglumat tehnologiýasy ministri Nejipulla Haýat Hakkani bilen duşuşyp, süýüm-optiki aragatnaşyk liniýasyny döretmek boýunça bilelikdäki taslamanyň durmuşa geçirilmegi bilen baglanyşykly meseleleri ara alyp maslahatlaşdy, Owganystanyň teleýaýlymy habar berýär.
Türkmenistanyň Daşary işler ministri Raşid Meredow we Halkara awtomobil ulaglary bileleşiginiň (IRU) Baş sekretary Umberto de Pretto Bütindünýä durnukly ulag gününe bagyşlanylyp Aşgabat şäherinde noýabr aýynda geçiriljek halkara maslahatynyň taýýarlyk işleri barada maslahatlaşdylar.
Gyrgyzystanyň Milli banky ýerli banklara tölegleri kabul etmegi we respublikanyň çägine haryt iberilmezden şertnamalar boýunça hasaplaşyklary geçirmegi gadagan etdi. Bu düzgün sazlaýjynyň degişli kararyndan gelip çykýar.
5-6-njy sentýabr aralygynda Gruziýanyň Batumi şäherinde CASCA + “Aziýa-Ýuwaş umman sebiti-Hytaý-Gyrgyzystan-Özbegistan-Türkmenistan-Azerbaýjan-Gruziýa-Türkiýe-Ýewropa” halkara multimodal ugruny ösdürmek boýunça Gyrgyzystanyň, Özbegistanyň, Türkmenistanyň, Azerbaýjanyň, Gruziýanyň we Türkiýäniň demirýol dolandyryşyň ýolbaşçylarynyň nobatdaky altytaraplaýyn duşuşygy geçirildi.
“OPEK +”-iň sekiz ýurt, şol sanda Russiýa we Saud Arabystany, nebit önümçiligini iki aý togtatmak we meýletin önümçiligini gündelik 2,2 million barrel (b / d) möçberinde dekabr aýyna çenli uzaltmak kararyna geldi.
Türkmen wekiliýetiniň ýokary wezipeli agzalary World Smart City Expo 2024 akylly şäherleriň Bütindünýä sergisiniň çäklerinde “Daewoo Engineering & Construction” kompaniýasynyň ýolbaşçylary bilen duşuşyk geçirdiler.
Tokioda Türkmenistanyň Adatdan daşary we doly ygtyýarly ilçisi Atadurdy Baýramow ykdysady hyzmatdaşlyk boýunça Ýapon-Türkmen komitetiniň başlygy Hiroýuki Subai bilen duşuşdy.
Hytaýyň demirgazyk-günbataryndaky Sinszýan-Uýgur awtonom sebitindäki litiý akkumulýatorlaryny öndürýänkärhanalary Merkezi Aziýa ýurtlarynyň bazarlaryna çykmagy maksat edinýärler. Bu barada Kaşgar ykdysady ösüş zolagynyň wekili Bo Inszýan aýtdy diýip, Sinhua habarlar gullugy habar berýär.
BAE-de Türkmenistanyň Adatdan daşary we doly ygtyýarly ilçisi Serdarmämmet Garajaýew AMC Overseas halkara kompaniýasynyň direktory Suwra Çakraborti bilen duşuşdy. Baş edarasy Dubaý şäherinde ýerleşen AMC Overseas kompaniýasynyň öňümizdäki hepde Aşgabatda geçiriljek Maýa goýum maslahatyna gatnaşmagy duşuşygyň esasy meselesi boldy.
