Türkmenistan Merkezi Aziýanyň startap-kartasynda we sebit ekoulgamynyň geljegi
13-nji noýabrda Daşkende geçirilen Merkezi Aziýa startap forumy sebitdäki ýurtlaryň startap-ekoulgamlaryndaky esasy oýunçylary, bilermenleri, töwekgelçilikli maýa goýum (wençur) gaznalaryny, tizlendirijileri, uniwersitetleri, döwlet edaralaryny, halkara guramalary we beýlekileri bir ýere jemledi.
Forumyň esasy maksady, gatnaşyjylaryň arasynda bilim, tejribe we öňdebaryjy tejribe alyşmak üçin ösüş meýdançany döretmek şeýle hem Merkezi Aziýada startap ekoulgamlarynyň arasynda özara hyzmatdaşlyga ýardam bermekden ybaratdyr. Çärä dürli formatda geçirildi: bellibir mowzuk boýunça çekişmeler, tematiki umumy sapaklar, okuw maslahaty, tegelek stollar, tor mejlisleri, startapyň tanyşdyrylyşy we başgada köp zatlar.
Merkezi Aziýa häzirki wagtda zehinli ýaşlaryň startaplary döretmek üçin goldaw, maliýe we tejribe alyp bilýän ýeke-täk integrirlenen giňişlige öwrülýär.
Türkmenistandaky “Startup Academy” müdiri Daniil Maýkowskiý Merkezi Aziýa ýurtlarynyň arasyndaky üstünlikli hyzmatdaşlyga mysal getirdi:
“Guramamyz, mümkinçiliklerini güýçlendirmek üçin FGI / USAID taslamasyndan maliýeleşdirdi. Indi startap meseleleri boýunça 2025-nji ýylyň aprelinde geçiriljek maslahata taýýarlaýarys. Maksatnamanyň çäginde, “MOST” işgärleri tarapyndan işimizi giňeltmäge we olary has durnukly etmäge, şeýle hem maliýe görkezijilerini we maksatly diňleýjileri - startaplary we maýadarlary özüne çekmegiň görkezijilerini ýokarlandyrmaga kömek etjek bir topar webinarlar geçiriler. Türkmenistanda startap ekoulgamyny ösdürmek üçin ýerli gurama “StartUp Academy” we Merkezi Aziýada iň tejribeli “ecosystem builder” “MOST” kompaniýasynyň bilelikdäki tagallalary Türkmenistanda startap-jemgyýetiniň ösüşini ep-esli çaltlaşdyryp biler”.
Umuman aýdanyňda, forum dürli Merkezi Aziýa ýurtlarynyň merkezleriniň arasynda baglanyşyk döretmegiň, has kämillik derejesine çykarmak we tehnologiki önümleri halkara bazarlaryna eksport etmek, şeýlelik bilen sebiti halkara giňişlikde bilelikde tanatmak maksady bilen irki tapgyrda startaplary ösdürmegiň ähmiýeti barada gürrüň berdi. Şonuň üçin Merkezi Aziýadaky hususy töwekgelçilikli maýa goýum gaznasy “MOST” irki tapgyrda startaplara maýa goýmak we sebit ýurtlaryndan esaslandyryjylar bilen uly göwrümli mümkinçiligi bolan tizlendiriji gaznany işe girizýär.
Forumyň ähli mejlisleri tamamlanandan soň, startap-battl (çekişme) geçirildi, onda Merkezi Aziýadan 10 startaplar bäsleşdi, şol sanda ikisi Türkmenistandan: Biar delivery (Begenç Rejepow) we Zootel (Tahyr Orazdurdyýew).
ORIENT
