Türkmen telekeçisi Arslan Garajaýew daýhanlara we ekerançylara “Nourivit Plus” tehnologiýasy boýunça öndürilen organiki dökünleri hödürleýär. Ol Ahal welaýatynda ýerleşýän kärhanada topraga suwuk görnüşdäki organiki goşundylary öndürip başlady. Mikroorganizm medeniýeti bilen utgaşyklykda Nourivit Plus tebigy mineral goşundysy topragyň ýaramaz şertlerinde-de ekin hasylyny ep-esli ýokarlandyrýar.
Hytaý Halk Respublikasynyň Sinszýan-Uýgur awtonom sebitiniň Urumçi şäherinde Hytaý – Ýewraziýa haryt-çig mal sergisi geçiriler. 17 – 21-nji awgustda geçiriljek halkara sergä Merkezi Aziýa döwletleriniň degişli wekilleri hem gatnaşar.
Gazagystanyň Milli banky tarapyndan milli walýutanyň üçünji täze görnüşi - sanly teňňe girizildi. Respublikada şol bir wagtyň özünde teňňäniň nagt, nagt däl we sanly görnüşleri ulanylar diýip, Sputnik Gazagystanyň Ýokary gözegçilik palatasynyň metbugat gullugyna salgylanyp habar berýär.
2024-nji ýylda Merkezi Aziýanyň “A” derejeli iri logistika parky Gyrgyzystanda öz işine başlar. Bu barada bu boýunça taslamanyň konsultanty “NF Group” kompaniýasy özüniň web-saýtynda habar berýär.
Eýranyň Türkmenistandaky ilçisi Golam Abbas Arbab Hales TASS-yň habarçysy bilen söhbetdeşi boldy. Russiýa agentligi diplomatyň energetika we ulag pudagynda türkmen-eýran hyzmatdaşlygyny ösdürmek baradaky beýanyny çap etdi.
– Hazar deňzi bizi birleşdirýän örän gymmatly çeşme bolan parahatçylyk, dostluk we hyzmatdaşlyk deňzidir. Baku biziň ýurtlarymyzyň Hazardaky özara gatnaşyklaryna uly ähmiýet berýär -diýip, 12-nji awgustdaAwazada Hazar meseleleri boýunça geçirilen halkara maslahatda çykyş etmek üçin çagyrylan Azerbaýjan Respublikasynyň Türkmenistandaky işleri wagtlaýyn ynanylan wekili Nariman Orujaliýew aýtdy.
“Türkmenistan awiakompaniýasy” açyk görnüşli paýdarlar jemgyýetiniň howa ýük daşamalaryndaky resmi agenti hökmünde “Türkmenistanyň Ulag-logistika merkezi” açyk görnüşli paýdarlar jemgyýeti uçarlar arkaly ýük gatnawlarynda ýükleriň ýol hatlaryny resmileşdirip bermek, şeýle hem gümrük amallaryny ýerine ýetirmäge ygtyýarly Gümrük dellaly hökmünde gümrük düzgünnamasyna laýyklykda, harytlary deklarasiýalaşdyrmak hyzmatlaryny hödürleýär.
EAEU bilen BAE ýurtlarynyň arasynda ýük daşamalary, şol sanda Türkmenistanyň üsti bilen demir ýol arkaly gatnaw, 10-njy awgust penşenbe güni Ýewraziýa Ykdysady Komissiýasynyň Energetika we infrastruktura ministri Arzybek Kožoşew bilen Birleşen Arap Emirlikleriniň Russiýa Federasiýasynda ilçi MohammadAhmad Al-Jaberiň arasynda geçirilen duşuşygyň mowzugy boldy.
Özbegistan Hazaryň üsti bilen Transhazar ugry boýunça ýük daşamalaryň artmagyna goşant goşjak öz gämileriniň bolmagyna gyzyklanma bildirýär. Bu barada Özbegistanyň Ulag ministrliginiň Ulag we logistika ösüş meseleleri merkeziniň müdiri Bekzod Holmatow Report agentligine aýtdy.
Lebap welaýatynyň önümçilik daýhan hojalyklary “John Deere” kysymly täze ekiş traktorlaryň 62-sini kabul etdiler. Bu barada «Нейтральный Туркменистан» gazeti habar berýär.
Türkmenistan bilen Ýewropa Bileleşiginiň ýurtlarynyň arasyndaky özara haryt dolanyşygynyň möçberi 2023-nji ýylyň birinji çärýeginde 345 million ýewrodan gowrak boldy. Şeýle görkeziji geçen ýylyň degişli döwri bilen deňeşdirilende 10,4 göterim ýokarydyr. Bu barada Ýewropa Bileleşiginiň statistika müdirligine salgylanyp Trend habar berýär.
Türkmenistanyň Maliýe we ykdysadyýet ministrligi döwlet eýeçiligindäki dürli maksatly 49 sany desgany satmak boýunça bäsleşikli söwdany gurar. Bu buradaky bildiriş şu gün “Neýtralnyý Turkmenistan” gazetinde çap edildi.
Halkara reýting agentligi Fitch Ratings Türkmenistanyň uzak möhletleýin emitentiniň (IDR) defolt reýtingini daşary ýurt walýutasynda «B+» derejesinde «Oňyn» çaklamabilen tassyklady.
Türkmenistan, Täjigistan we Özbegistan nebitgaz we ýangyç-energetika pudaklarynda özara hyzmatdaşlygy ösdürmekligi ylalaşdylar. Bu barada şu gün – 4-nji awgustda Aşgabat şäherinde geçirilen üç döwletiň Baştutanlarynyň sammitinde kabul edilen bilelikdäki beýannamada bellenýär.
Astanada, 3-nji awgustda Gazagystan-owgan işewür forumynda 190,8 million dollarlyk eksport şertnamalaryna gol çekildi. Duşuşygyň netijesinde oba hojalyk önümleri, un we ösümlik ýagy bilen üpjün etmek üçin 15 şertnama, şeýle hem Milli ýag ösümliklerini gaýtadan işleýän birleşigi (Gazagystan) bilen Balh ýag söwdagärleri birleşiginiň (Owganystan) arasynda hyzmatdaşlyk Ähtnamasyna gol çekildi. Iň köp resminama (9 şertnama) ýag üpjünçiligine degişlidir.
