Türkmenistanda ýakyn aýlarda Aşgabat we Pariž şäherleriniň arasynda ýolagçy uçar gatnawlaryny gaýtadan dikeltmek boýunça tehniki işler alnyp barylýar. Bu barada Ulag we kommunikasiýalar agentliginiň Baş direktoryny orunbasary Batyr Annaýew Pariž şäherinde fransuz kompaniýalarynyň wekilleri bilen geçirilen işewürlik duşuşygynda mälim etdi.
Beýik Britaniýanyň “BP” kompaniýasynyň Azerbaýjan, Gruziýa we Türkiýe döwletleri boýunça edarasynyň prezidenti Geri Jonsyň ýolbaşçylygyndaky wekiliýet 25 – 27-nji oktýabrda Aşgabatda geçiriljek “Türkmenistanyň nebiti we gazy – 2023” halkara maslahatyna gatnaşar.
Türkmenistanyň Deňiz söwda floty häzirki döwürde “Balkan” gämigurluşyk zawodynda iki sany gury ýük gämisini gurmaga taýýarlyk görýär. Türkmenistanyň Prezidenti Serdar Berdimuhamedow bu gämileri gurmak baradaky Karara gol çekdi. Öz gezeginde, “ORIENT” täze guruljak gury ýük gämileri, olaryň we deňiz ýük daşalyşyndaky ähmiýeti bilen okyjylary tanyşdyrmakçy.
Türkmen kärhanlary ýyladyş, suw üpjünçiligi, howalandyryş ulgamlary üçin öý hojalyk we senagat enjamlarynyň «Aquatherm Almaty 2023» atly 15-nji halkara sergisinde öz önümleri bilen tanyşdyryrarlar diýip, Gazagystanyň «Курсив» neşiri habar berýär.
2023-nji ýylyň geçen döwründe Perm ülkesi 8728,91 kub metr bolan agaç önümlerini Türkmenistana iberdi. Bu babatda geçen ýylyň degişli döwründäki görkeziji 7214,05 kub metre deňdir.
“TAPI Pipeline Company Ltd” kompaniýasynyň Baş direktory Muhammetmyrat Amanow Owganystanyň dag magdan senagaty we nebit ministriniň wezipesini ýerine ýetiriji Şahabuddin Delawar bilen duşuşdy. Onda Türkmenistan – Owganystan – Pakistan – Hindistan gaz geçiriji taslamasynyň durmuşa geçirilişiniň barşy ara alnyp maslahatlaşyldy.
TOLOnews gullugynyň berýän habaryna görä, magdan we nebit senagaty ministriniň wezipesini wagtlaýyn ýerine ýetiriji Şahabuddin Delawar metbugat wekilleri bilen söhbetdeşlikde şertnamalarda doly aç-açanlygyň bardygyny we onuň magdanlaryň bikanun gazylyp alynmagynyň we bikanun getirilmeginiň öňüni aljakdygyny aýtdy.
Yrak bilen Eýranyň arasynda geljekki demirýol üçin daş goýmak dabarasy Yragyň Basra welaýatynyň Şalamçe şäherindäki serhet geçelgesinde geçirildi. "Shafaq News"-yň habaryna görä bu çärä Yragyň Premýer-ministri Muhammet as-Sudani we Eýranyň birinji Wise-prezidenti Mohammad Mohber gatnaşdy.
Ýurdumyzda ýokary tehnologiýaly damjalaýyn suwaryş ulgamlaryny ilkinji öndürijilerden biri “Türkmen senagat” Hojalyk Jemgyýeti boldy. Ýaňy-ýakynda kärhana gök ekinleri ösdürip ýetişdirende çyglylygy üpjün etmek üçin ýylmanak we tekiz turbalary öndürip başlady.
“Zürýada hyzmat” hususy kärhanasy Balkanabat şäherinde gazlandyrylan alkogolsyz içgileri we arassalanan agyz suwlaryny öndürip başlady. Önümler “Dam-dam” markasy bilen satylýar we günbatar sebitde we ýurduň beýleki sebitlerinde bölek satuw nokatlaryna iberilýär.
3-nji sentýabrda ýeňil awtomobiller ýüklenen 20 konteýner Türkmenistanyň çäginden geçip, Gazagystana tarap ýola düşdi. Bu konteýner ýükleri eltip bermek hyzmaty ýurdumyzyň «Halkara Gatnaw Logistika» hojalyk jemgyýeti tarapyndan amala aşyrylýar.
Şu ýylyň brinji ýarymynda Türkmenistan Ýewropa Bileleşiginiň ýurtlaryndan 7,64 million ýewrolyk mineral serişdeleri import etdi. Bu geçen ýylyň degişli döwründe 5,11 million ýewro barabar bolupdy. Bu barada Ýewropanyň Statistika býurosy habar berýär.
Türkmenistanyň Maliýe we ykdysadyýet ministrligi döwlet eýeçiligine degişli 48 desganyň hususy taraplara bäsleşik esasynda satylýandygyny mälim edýär. Bu boýunça degişli bildiriş resmi metbugatda şu gün çap edildi.
Milli jemgyýetçilik birleşigi “Türkmenistanyň ykdysatçylar birleşmesi” we Döwrebap hünär endiklerini ösdürmek boýunça USAID taslamasy bilelikde “Startap-ekoulgam - 2023” maksatnamasynyň amala aşyrylmagyna başlaýar. “Startap-ekoulgam - 2023” maksatnamasynyň maksady Türkmenistanda startaplaryň işewür-inkubasiýasy we akselerasiýasy (täze amala aşyrylan innowasion işewür-ideýalar) boýunça hyzmatlaryň bazaryny ösdürmek bolup durýar, bu bolsa, ýaşlaryň telekeçiligini ösdürmek üçin we täze iş ýerlerini döretmek üçin şertleriň gowulanmagyna getirer.
"Balkan" gämi gurluşyk we abatlaýyş zawody» açyk görnüşli paýdarlar jemgyýeti «Türkmendeňizderýaýollary» agentligi üçin 2 sany gury ýük gämisini gurar.
