Türkmenistan «Aquatherm Almaty 2023» halkara sergisinde öz önümlerini görkezer
Türkmen kärhanlary ýyladyş, suw üpjünçiligi, howalandyryş ulgamlary üçin öý hojalyk we senagat enjamlarynyň «Aquatherm Almaty 2023» atly 15-nji halkara sergisinde öz önümleri bilen tanyşdyryrarlar diýip, Gazagystanyň «Курсив» neşiri habar berýär.
Sergi 6 – 8-nji sentýabr aralygynda «Атакент» sergiler merkezinde «KazBuild 2023» atly 29-njy Gazagystan halkara gurluşyk we bezeg sergisi bilen utgaşykly geçer.
Sergä gatnaşyjylar tejribe alyşmaga, ugurdaş ulgamda innowasiýalar bilen tanyşmaga, bilelikdäki taslamalary durmuşa geçirmek we önümleriň eksportyny ýola goýmak üçin täze hyzmatdaşlar bilen tanyşmaga mümkinçilik alarlar.
«Aquatherm Almaty 2023» sergisine 16 döwletden – Türkmenistandan, Fransiýadan, Germaniýadan, Italiýadan, Russiýadan, Hytaýdan, Koreýadan, Singapurdan, Polşadan, Çehiýadan, Azerbaýjandan, Belarusdan, Eýrandan, Gazagystandan, Türkiýeden we Özbegistadan 228 kompaniýa gatnaşar.
«Aquatherm Almaty 2023» sergisiniň çäklerinde «Технарь PRO Kazahstan 2023» bäsleşigi hem geçiriler. Bu bäsleşik santehnika ulgamlaryny we enjamlaryny ornaşdyrmak boýunça iň ökde hünärmenleri ýüze çykarar.
ORIENT news
